جول اپاتىنا تۇسكەن كولىكتەن اقشا شاشىلدى - كەسكىن
استانا. قازاقپارات - ويىن اۆتوماتتارىن تولتىرۋ ءۇشىن اقشا تاسىمالداپ كەلە جاتقان كولىك جول اپاتىنا ءتۇسىپ، ءارتۇرلى نومينالداعى كۋپيۋرالار تراسسانىڭ ۇستىنە شاشىلدى.
وقيعا ا ق ش- تىڭ يللينويس شتاتىندا بولدى، دەپ حابارلايدى بەلتا اقپارات اگەنتتىكتەرىنە سىلتەمە جاساپ.
جان-جاققا ۇشقان 5، 10 جانە 20 دوللارلىق كۋپيۋرالاردى جيناپ الۋ ءۇشىن پوليتسيا قىزمەتكەرلەرىنە جولدى جابۋعا تۋرا كەلگەن.
قۇقىق قورعاۋشىلار كەيىننەن انىقتاعانداي، جول اپاتىنا جۇرگىزۋشى كىنالى، ول رۋلگە يە بولا الماي قالىپ، باعانعا سوعىلعان. ونىڭ ارتىنشا، وزگە كولىك قورشاۋعا سوعىلعان. وقيعا سالدارىنان ايتارلىقتاي زارداپ شەككەندەر جوق. اقشانى جيناپ الۋعا 60 مينۋت ۋاقىت كەتتى. ماشينادا باستاپقىدا قانشا اقشا بولعانى جانە قانشاسىن جەلمەن ۇشىرىپ اكەتكەنى حابارلانعان جوق.
