مادەنيەت ءمينيسترى بۋرابايداعى قىزمەت ساپاسىن جاقسارتۋعا ۋادە بەردى

استانا. قازاقپارات - شۋچينسك- بۋراباي كۋرورتتىق ايماعىنداعى قوناق ۇيلەردىڭ قىزمەت كورسەتۋ ساپاسى ەكى جىل ىشىندە جاقسارادى.

بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى ايتتى.

«كۋرورتتىق ايماقتىڭ دامىتۋ تۋرالى باعدارلاما ۇكىمەتتە ماقۇلداندى. تۋريستەر سانىن كوبەيتۋ ءۇشىن جاعدايدى جاقسارتىپ، بىرنەشە ءتاسىل قولدانامىز. ەڭ الدىمەن ىشكى جانە جول بويىنداعى قىزمەتتى دامىتۋ. سونداي-اق تۋريستەرگە ىڭعايلى بولۋ ءۇشىن جاڭا نىساندار سالىنادى»، - دەيدى مۇحامەدي ۇلى.

تۋريستەر ءۇشىن ۇلكەن جانە كىشى چەباچيح كولى جابدىقتالاتىن بولادى. باعدارلاما ەكى جىل ىشىندە ىسكە اسىرىلادى.

بۇدان بۇرىن مەملەكەت باسشىسى بۋراباي كۋرورتىن دامىتىپ، تۋريستەرگە وركەنيەتتى جاعداي جاساۋدى تاپسىرعان ەدى.