قىزىلوردادا باتىرحان شۇكەنوۆكە ەسكەرتكىش قويىلادى
بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنتسياسىندا وبلىس اكىمىنىڭ ورىنباسارى رۋسلان رۇستەموۆ مالىمدەدى.
رۋسلان رۇستەموۆ، سونداي-اق، بيىل ن. بەكەجانوۆ اتىنداعى قازاق مۋزىكالىق دراما تەاترىنىڭ ارتيستەرى ۇلى بريتانيا ساحناسىندا ونەر كورسەتەتىنىن ايتتى.
«بارلىق وتكىزىلەتىن مەرەكەلىك شارالار وسى جىلدىڭ باستى وقيعالارى ەلوردامىز - استانا قالاسىنىڭ 20 جىلدىعىنا جانە قىزىلوردا قالاسىنىڭ 200 جىلدىعىنا ارنالماق. ماسەلەن، استانا قالاسىنىڭ 20 جىلدىعىنا ارناپ، استانا قالاسىندا زىمىران-عارىشتىق تەحنيكاسى مۋزەيىنىڭ اشىق ەكسپوزيتسياسى پايدالانۋعا بەرىلەدى. «تۇڭعىش استانادان - ەلوردامىز استاناعا!» اتتى ونەر كەرۋەنى ونەر كورسەتەدى. سونىمەن قاتار، شىنى زاۋىتىنىڭ العاشقى ونىمدەرى دە استانا مەرەيتويىنا تارتۋ رەتىندە شىعارىلادى. «جاڭا استانا - ەجەلگى قازاق جەرىنىڭ ءتورى» رەسپۋبليكالىق عىلىمي- تاجىريبەلىك كونفەرەنتسياسىنىڭ ۇيىمداستىرىلۋى دا جوسپارلانىپ وتىر»، - دەدى ول.
سونداي-اق، بيىل وبلىستىق فيلارمونيانىڭ ونەرپازدارى رەسەي فەدەراتسياسى تاتارستان رەسپۋبليكاسىنا گاسترولدىك ساپارمەن بارادى. قىزىلوردا قالاسىنىڭ 200 جىلدىعىنا وراي «استانالار فەستيۆالى» اتتى قازاق ەلىنىڭ استانالارى تەاترلارىنىڭ ( قىزىلوردا، الماتى، استانا، تۇركىستان، ورىنبور) فەستيۆالى وتكىزىلەدى.
«پاراساتتى پوەزيا» اتتى حالىقارالىق فەستيۆالىن قورقىت اتا مەموريالدىق كەشەنىندە وتكىزۋ جوسپارلانۋدا. تۇركى الەمىنىڭ ابىزى قورقىت بابا مۇرالارىن ناسيحاتتاۋ ماقساتىندا قوبىزشىلاردىڭ «قورقىت. قوبىز» اتتى رەسپۋبليكالىق كونكۋرسى دا ۇيىمداستىرىلماق.
سونداي-اق، «سىر سۇلۋى» اتتى رەترو فەستيۆالى، بەلگىلى اقىن، ق ر مەملەكەتتىك العاشقى ءانۇرانىنىڭ اۆتورلارىنىڭ ءبىرى - جادىرا دارىبايەۆانىڭ، قازالى اۋدانىنىڭ قۇرمەتتى ازاماتى سامۇرات يماندوسوۆتىڭ جانە جازۋشى سايلاۋباي جۇباتىر ۇلىنىڭ 70 جاسقا تولۋىنا وراي مەرەيتويلىق شارالارى، قىزىلوردا مەديتسينا كوللەدجىنىڭ 90 جىلدىعى دا تويلانادى.
ءانشى- كومپوزيتور، قازاقستاننىڭ ەڭبەك سىڭىرگەن قايراتكەرى باتىرحان شۇكەنوۆ اتىنداعى «وتان انا» اتتى رەسپۋبليكالىق انشىلەر كونكۋرسى ۇيىمداستىرىلىپ، وبلىس ورتالىعىنا ءانشىنىڭ ءبيۋستى قويىلادى.
