ساقىلداعان سارى ايازدا الماتىلىقتار ءبىرىن- ءبىرى تەگىن جەتكىزىپ جاتىر

الماتى. قازاقپارات - ساقىلداعان سارى اياز الماتىنىڭ جۇرگىزۋشىلەرىن دە قايىرىمدىلىق ىسكە بىرىكتىردى، دەپ حابارلايدى قازاقپارات ءتىلشىسى.

بۇل باستاما ينستاگرام جەلىسىندە كوتەرىلدى.

اتى- ءجونى بەلگىسىز ازامات باعاناشىلدان دوستىق- قاجىمۇقان كوشەسىنە جولاۋشىلاردى تەگىن جەتكىزە الاتىنىن حابارلاعان. ونىڭ يدەياسىن الماتىلىق جۇرگىزۋشىلەر جاپپاي قولداپ جاتىر.

قايىرىمدى جاندار تەلەفون نومىرلەرىن، ۋاقىتىن، مەكەنجايىن قالدىرىپ جاتىر.

وسى ۋاقىتقا دەيىن مۇقتاج ادامداردى تەگىن جەتكىزۋگە 30 شاقتى ادام نيەت ءبىلدىردى.

ولاردىڭ اراسىندا تەك سۇلۋ قىزداردى عانا تەگىن جەتكىزەم دەگەندەر دە تابىلىپ جاتىر.

سونىمەن قاتار، جاياۋ ادامدار دا قاجەتتى مەكەنجايلارىن جازۋدا.

ايتا كەتۋ كەرەك، قالالىق ت ج د 24-29 - قاڭتاردا الماتىدا تۇندە اۋا تەمپەراتۋراسى 15-20 گرادۋستان 20-25 گرادۋسقا دەيىن تومەندەيتىنىن حابارلاعان بولاتىن. توتەنشە جاعداي دەپارتامەنتى قاتتى ايازدا اسا قاجەت بولماعان جاعدايدا ۇيدەن شىقپاۋعا كەڭەس بەرگەن ەدى.

ال مەكتەپتەردە ساباق جەل ەكپىنى كۇشەيگەن جاعدايدا عانا توقتاتىلماق.

سينوپتيكتەردىڭ بولجاۋىنشا، ۇسكىرىك اياز كەلەسى اپتانىڭ باسىندا سىنادى.

اۆتور: گۇلميرا عوسمانالي