17:56, 24 - قاڭتار 2018 | GMT +5
استانادا حالىققا تەگىن تاكسي قىزمەت كورسەتە باستادى
استانا. قازاقپارات - «Astana Taxi» ءبىرىڭعاي قىزمەتى «قايىرىمدى ساپار» اتتى الەۋمەتتىك ناۋقاندى باستادى. اكسيا بويىنشا ەلوردادا 11 اۆتوكولىك جولاۋشىلاردى تەگىن تاسيتىن بولادى،
دەپ حابارلايدى «قازاقپارات» ح ا ا ءتىلشىسى استانا قالاسى اكىمدىگىنىڭ رەسمي سايتىنا سىلتەمە جاساپ.
جولاۋشىلارعا تاكسوموتورلىق كومپانيا ەسەبىنەن قىزمەت كورسەتىلمەك.
«ناۋقان قالا تۇرعىندارى مەن مەيماندارىنا ارنالعان. جۇرگىزۋشىلەر قالا ىشىندە ءجۇرىپ، توقتاپ، ادامدارعا تەگىن تاكسي قىزمەتىن ۇسىنادى. اكسيا بارىسىندا كوبىنەسە بالا ۇستاعان جانە ەگدە كىسىلەرگە باسا نازار اۋدارىلادى»، - دەپ حابارلايدى «Astana Taxi» كومپانياسىنىڭ باسپا ءسوز قىزمەتى.
اكسيا 24-25 - قاڭتار ارالىعىندا ساعات 8.00-دەن 19.00-گە دەيىن جالعاسادى. ءىس- شاراعا التى تاكسوموتور كومپانياسى قاتىسادى.
«اكسيامىزعا بارلىق كاسىپكەرلەر مەن بيزنەس- قاۋىمداستىقتاردى وسىنداي قيىن كەزەڭدە قالىس قالماۋعا شاقىرامىز»، - دەيدى تاكسي قىزمەتى.
اۆتور: ايان بەكەن ۇلى
