12:32, 24 - قاڭتار 2018 | GMT +5
موڭعوليا ەۋرووداقتىڭ قارا تىزىمىنەن شىقتى
استانا. قازاقپارات - 23- قاڭتاردا بريۋسسەلدەگى ەۋروپالىق وداققا مۇشە ەلدەردىڭ قارجى مينيسترلەرى قارجىلىق اشىقتىقتى قامتاماسىز ەتۋدە جانە سالىقتىق قىلمىستارمەن كۇرەس باعىتىندا جەتكىلىكتى شارا قولدانباعان مەملەكەتتەردىڭ «قارا تىزىمنەن» كەيبىر ەلدەردى شىعارۋ جونىندەگى ماسەلەنى قارادى، دەپ حابارلايدى مونتسامە.
سىرتقى ىستەر مينيسترلىگىنىڭ حابارلاۋىنشا، موڭعوليا ۇكىمەتى ەۋرووداق تالاپتارىن ورىنداۋ ماقساتىندا الداعى ەكى جىل كولەمىندە ەلدەگى سالىق ەرەجەلەرىن وزگەرتەمىز دەپ ۋادە بەرگەن.
«ەندى موڭعوليا مەن ەۋرووداق ەلدەرى اراسىندا ىنتىماقتاستىقتى ارتتىرىپ الىس-بەرىس ورناتۋعا ەشقانداي كەدەرگى جوق»، - دەپ حابارلايدى موڭعوليانىڭ سىرتقى ىستەر مينيسترلىگى.
قارا تىزىمنەن موڭعوليادان باسقا وڭتۇستىك كورەيا، ب ا ءا سياقتى بارلىعى جەتى مەملەكەت شىعارىلدى.
