اقمولالىق بالۋان قىزدار بۇكىل رەسەيلىك تۋرنيردە جۇلدەگەر اتاندى

كوكشەتاۋ. قازاقپارات - اقمولالىق پالۋان قىزدار دميتري ميندياشۆيلي اتىنداعى كۇرەس اكادەمياسىنىڭ جۇلدەسى ءۇشىن وتكەن بۇكىل رەسەيلىك اشىق تۋرنيردە ءۇش مەدالعا قول جەتكىزدى، دەپ حابارلايدى قازاقپارات ءتىلشىسى.

وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ دەرەگى بويىنشا كراسنويارسك قالاسىندا ەركىن جانە ايەلدەر كۇرەسىنەن وتكەن بايراقتى جارىسقا رەسەي، ا ق ش، فينليانديا، قىرعىزستان، موڭعوليا، قىتاي جانە قازاقستان ءتارىزدى 10 ەلدەن جينالعان 500 سپورتشى قاتىستى.

ايەلدەر اراسىندا قازاقستان قۇراماسى ساپىندا بولعان اقمولالىق قىزداردىڭ باعى جاندى. ونىڭ ىشىندە 76 جانە 57 كەلى سالماقتاردا ۆالەريا اكسەنوۆا مەن يرينا كۋزنەتسوۆا ەكىنشى ورىننان كورىنسە، 65 كەلى سالماقتا البينا قايىرگەلدينوۆا ءۇشىنشى ورىندۆ ەنشىلەدى.

ايتا كەتۋ كەرەك، بۇل سپورتشىلاردى بوگەنباي اتىنداعى سپورتتاعى دارىندى بالالارعا ارنالعان وبلىستىق مەكتەپ ينتەرناتىندا ءادىل تاجەنوۆ، ەۆگەني سۋدەيكين جانە ايدار شايدۋلين جاتتىقتىرادى.