قازاقستان پرەزيدەنتى دونالد ترامپەن جاقسى قارىم-قاتىناس ورناتتى
«قازاقستان پرەزيدەنتىنىڭ ا ق ش- تا دونالد ترامپەن كەزدەسۋى جوعارى دەڭگەيدە ءوتتى. نۇرسۇلتان نازاربايەۆ ترامپەن جاقسى قارىم-قاتىناس ورناتتى. ولاردىڭ وتىرىسى باسقا كەزدەسۋلەردەن قاراعاندا ۇزاققا سوزىلدى»، - دەدى ول.
گەورگي گوتوۆ نۇرسۇلتان نازاربايەۆتىڭ ۋكراينانىڭ شىعىسىنداعى قايشىلىقتاردى رەتتەۋگە كۇش سالىپ جاتقانىن دا ەرەكشە اتاپ ءوتتى.
«قازاقستانننىڭ بۇل جانجالدى رەتتەۋگە كۇش سالۋى تاڭ قالاتىن دۇنيە ەمەس. قازاقستاندا 3 ميلليون ورىس پەن 200 مىڭنان استام ۋكراين حالقى تۇرادى. سوندىقتان قازاقستاننىڭ بۇل ماسەلەگە بەي-جاي قاراي الماسى انىق. بۇعان دەيىن مينسك كەلىسىمدەرىن استانادا وتكىزۋ تۋرالى اقپارات بولدى. قازاقستاننىڭ بۇل ماسەلەدەگى الەۋەتىن بارلىعى جاقسى تۇسىنەدى، وعان دالەل استانادا وتكەن سيريا كەلىسىمدەرى»، - دەدى سپيكەر.
ول سونىمەن قاتار ءبىزدىڭ ەل ۇسىنعان ب ۇ ۇ قاۋىپسىزدىك كەڭەسىندەگى ماسەلەلەردىڭ ماڭىزدىلىعىنا دا توقتالىپ ءوتتى.
«بۇگىندە الەمدە يادرولىق قارۋدان كەلەتىن ۇلكەن ءقاۋىپ بايقالادى. قازاقستان وسى تۇيتكىلگە دە ءوز ۇلەسىن قوسا الادى. يراننىڭ يادرولىق ماسەلەلەرىن شەشۋگە اتسالىسقان استانانىڭ تاجىريبەسى، سولتۇستىك كورەي داعدارىسىنا دا ءوز پايداسىن تيگىزۋى مۇمكىن. قازاقستاننىڭ بۇكىل ورتالىق ازيا اتىنان ءۇن قوسىپ وتىرعانى بەلگىلى. بۇل ق ر داۋىسى عانا ەمەس، ايماقتاعى ءتورت مەملەكەتتىڭ داۋىسى»، - دەدى گوتيەۆ.
