ەلىمىزدىڭ ەڭ ۇزدىك تايەكۆوندوشىلارى پاۆلوداردا جينالدى

استانا. قازاقپارات - ەلىمىزدىڭ ەڭ ۇزدىك تايەكۆوندوشىلارى بۇل جولى پاۆلودارعا جينالدى. اشىق چەمپيوناتقا قىرعىزستان، تاجىكستان جانە رەسەي سپورتشىلارى دا قاتىسۋعا نيەت تانىتقان.

وسىلايشا ايماقتاعى كيم سونگ سۋ تايەكۆوندو مەكتەبىندە 600-گە جۋىق سپورتشى باس قوسىپ، ءوزارا مىقتىنى انىقتادى.

وڭتۇستىك كورەيادان ارنايى كەلگەن سپورتشىلاردىڭ ونەرى جارىستىڭ ەڭ اسەرلى ءساتى بولدى. ەرتىس وڭىرىنە سپورتشىلاردان بولەك وسى ەلدىڭ كاسىپكەپكەرلەرى شاقىرىلعان. ارىپتەستىك ەكى ەل اراسىنداعى ەكونوميكالىق جانە سپورتتىق بايلانىستى ارتتىرا تۇسەتىنى انىق. ال پاۆلودارلىق تاەكۆوندوشىلار سوڭعى جىلدارى حالىقارالىق دارەجەدەگى جارىستاردان جۇلدەلى ورىندارعا يە بولىپ ءجۇر. ايماقتاعى تاەكۆوندو مەكتەبىنە 450 سپورتشى بارادى.

مۇحتار ءجۇسىپوۆ، قازاقستان تايەكۆوندو فەدەراتسياسى پرەزيدەنتىنىڭ ورىنباسارى:

 - كادەتتەر بويىنشا الەم چەمپيوناتىندا كيم سونگ سۋ مەكتەبىنىڭ سپورتشىسى 2 - ورىندى جەڭىپ الدى. لوندوندا وتكەن الەم چەمپيوناتىندا ءبىزدىڭ سپورتشىمىز 3-ورىن الدى. سۋردووليمپيالىق ويىنداردان تاعى ءبىر سپورتشىمىز 5-ورىن الىپ كەلدى. پاۆلودار وبلىسىنىڭ سپورتشىلارى بارلىق دەڭگەيدەگى جارىستاردا لايىقتى ونەر كورسەتىپ ءجۇر.

www.24.kz