21:36, 23 - قاڭتار 2018 | GMT +5
ا ق ش سەناتى ءۇش اپتانىڭ بيۋدجەتى تۋرالى زاڭ جوباسىن قولدادى
استانا. قازاقپارات - ا ق ش سەناتى 22 - قاڭتاردا ءۇش اپتالىق بيۋدجەت تۋرالى زاڭ جوباسىن ماقۇلدادى. زاڭ جوباسى قابىلدانسا، فەدەرالدىق ۇكىمەتتىڭ جۇمىسى جاندانباق. قۇجاتتى 81 سەناتور قولداپ، 18 سەناتور قارسى داۋىس بەردى.
وسىلايشا، فەدەرالدىق ۇكىمەتكە 8 - اقپانعا دەيىن جۇمىس ىستەۋگە مۇمكىندىك بەرەتىن زاڭ جوباسى كونگرەسمەندەر قولداۋىن تاپتى. زاڭ جوباسى رەسپۋبليكاشىل سەناتورلاردىڭ جەتەكشىسى ميتچ ماككوننەلل سەناتورلاردى تاياۋ اپتالاردا بالا كەزىندە اتا- اناسىمەن بىرگە ا ق ش- قا بارعان 800 مىڭعا جۋىق جاس يمميگرانتتى دەپورتاتسيالانۋدان قورعاۋ ماسەلەسىمەن اينالىساتىنىنا سەندىرگەن سوڭ قابىلداندى.
«ءبىز بۇگىن ۇكىمەت قايتا جۇمى ىستەي باستاۋى ءۇشىن داۋىس بەرەمىز» دەپ مالىمدگەن مۇنىڭ الدىندا دەموكراتيالىق پارتيادان سايلانعان سەناتور چاك شۋمەر. ول ىمىراعا كەلۋگە جول تاپقان ەكى پارتيانىڭ دا سەناتورلارىنا العىس ايتتى. شۋمەر سونىمەن قاتار جاس يمميگرانتتار تاعدىرىنا جەدەل نازار اۋدارۋ كەرەگىن ەسكە سالدى.
www.azattyq.org
