مەكتەپ باسشىلىعىنىڭ جالاقىسى قالاي كوتەرىلەدى

استانا. قازاقپارات - ق ر ءبىلىم جانە عىلىم ۆيتسە- ءمينيسترى بيبىگۇل اسىلوۆا مەكتەپ ديرەكتورلارى مەن وقۋ ءىسى مەڭگەرۋشىلەرىنىڭ جالاقىسىن كوتەرۋگە قاتىستى پىكىر ءبىلدىردى،

 دەپ حابارلايدى قازاقپارات ءتىلشىسى.

«مەكتەپ ديرەكتورلارىنىڭ قۇزىرەتى كەڭەيىپ جاتقان جوق. ءبىز مۇعالىمدەردىڭ جالاقىسىن وسىرەمىز دەپ، مەكتەپ باسشىلىعىنىڭ جالاقىسىن جايدان- جاي كوتەرە المايمىز عوي. نەگىزى، ديرەكتورلار مەن وقۋ ءىسى مەڭگەرۋشىلەرىنىڭ قىزمەت بابى وزگەرگەن جوق، جاڭا فۋنكتسيالار دا قوسىلمادى. سول سەبەپتى جالاقىلارى دا سول قالپىندا قالدى. دەگەنمەن، ولار 9 ساعاتقا دەيىنگى وقۋ جۇكتەمەسىن الىپ، ساباق بەرە الادى. ەگەر ول ساباقتار ءبىلىمنىڭ جاڭارتىلعان مازمۇنىنا سايكەس كەلسە، وندا 30 پايىزدىق ۇستەمە اقىنى بەرۋگە بولادى»، - دەدى ب. اسىلوۆا قازاقپارات تىلشىسىنە بەرگەن سۇحباتىندا.

ۆيتسە- ءمينيستردىڭ ويىنشا، مەملەكەتتىك قىزمەتشىلەردىڭ جۇمىس تيىمدىلىگىن باعالاۋ بويىنشا جاڭا تالاپتاردى ازىرلەۋ كەرەك. KPI- ءدىڭ ناقتى ۇلگىسى بولسا، مەكتەپ ديرەكتورلارىنىڭ جالاقىسىن دا جۇمىسىنا قاراي تولەۋگە بولادى.

ايتا كەتەيىك، مۇعالىمدەردىڭ 30 پايىزدىق ۇستەمە اقىسى وسى ايدان باستاپ تولەنەدى.