ءۇندىستان ازاماتتارىنا ۆيزاسىز رەجىم بەرىلۋى مۇمكىن - ۇكىمەت
«نەگىزى، سوڭعى جىلدارى اۋەجايلاردىڭ ينفراقۇرىلىمى حالىقارالىق تالاپتارعا ساي جاساقتالدى. بىرنەشە قالا قالدى. 2020-جىلعا دەيىن وسى جۇمىستى اياقتاۋ قاجەت. اقشا بار. ەندى، جۇكتەلگەن مىندەتتەردى دەر كەزىندە ورىنداۋ قاجەت»، - دەپ اتاپ كورسەتتى ب. ساعىنتايەۆ.
وسى ورايدا ۇكىمەت باسشىسى جولاۋشىلارى تاسىمالىنىڭ ارتىپ جاتقانىن ەرەكشە اتاپ ءوتتى.
«ءتورت جىل بۇرىن بىزدە جولاۋشىلار ترانزيتى نولدىك دەڭگەيدە بولعان. قازىرگى كەزدە ءبىز 800 مىڭ ادامنىڭ مەجەسىنە شىعىپ وتىرمىز. وسى ورايدا ءۇندىستان ازاماتتارى ءۇشىن 72 ساعاتتىق ۆيزاسىز رەجىمدى ەنگىزۋ ماسەلەسىن پىسىقتاۋىمىز قاجەت. وسى ەلدىڭ حالقى ميللياردتان اساتىنىن ەسكەرسەك، ءوز جەرىمىز ارقىلى وتەتىن جولاۋشىلاردىڭ كولەمىن ايتارلىقتاي ۇلعايتۋعا بولادى دەپ ويلايمىن. وسى ماسەلەنى شەشسەك، 800 مىڭ جولاۋشىلار ترانزيتىن 1 ميلليوننان اسىرا الامىز»، - دەپ اتاپ كورسەتتى ب. ساعىنتايەۆ.
