قالمۇحانبەت قاسىموۆ بارلىق تەرگەۋشىلەرگە پلانشەت بەرمەك

استانا. قازاقپارات - قۇقىق قورعاۋ قىزمەتىن سيفرلاندىرۋ اياسىندا تەرگەۋشىلەردىڭ اقپاراتتىق جۇيەسىن ىسكە قوسۋ جوسپارلانىپ وتىر، دەپ حابارلايدى قازاقپارات ءتىلشىسى.

ق ر ىشكى ىستەر ءمينيسترى قالمۇحانبەت قاسىموۆتىڭ ايتۋىنشا، الداعى ۋاقىتتا «تەرگەۋشى» اتتى اۆتوماتتاندىرىلعان اقپاراتتىق جۇيەنى ىسكە قوسۋ جوسپارلانعان. «سونىڭ اياسىندا بارلىق تەرگەۋشىلەر مەن ءىستى انىقتاۋشى مامانداردى جەكە پلانشەتتەرمەن قامتاماسىز ەتۋ كوزدەلىپ وتىر. وسىلايشا، قىلمىستىق ىستەردى تەرگەۋدى جىلدامداتىپ قانا قويماي، وسى سالاداعى جۇمىستىڭ ساپاسىن ارتتىرۋعا بولادى. تەرگەۋشىلەر مەملەكەتتىك ورگانداردىڭ بارلىق اقپاراتتىق بازالارىنا بىردەن كىرە الادى. سونداي-اق، ولارعا ناقتى قىلمىستىق ىسكە قاتىستى ادىستەمەلىك ماتەريالدار جىبەرىلىپ تۇرادى»، - دەدى ق. قاسىموۆ.

ءمينيستردىڭ سوزىنە قاراعاندا، جاڭا اقپاراتتىق جۇيەنىڭ ارقاسىندا قىلمىستىق ءىستى تەرگەۋ ۋاقىتىن بارىنشا قىسقارتۋعا بولادى. بۇدان بولەك، قىلمىستىق ىستەردى تەرگەۋ جۇمىسىن باقىلاۋدا ۇستاۋعا مۇمكىندىك بار. اتالعان جوبانىڭ جالپى قۇنى - 2,4 ميلليارد تەڭگە.