ماكەدونيا ەلىنىڭ اتىن وزگەرتپەك

استانا. قازاقپارات - ماكەدونيا ەلدىڭ اتىن وزگەرتۋدى رەفەرەندۋم ارقىلى شەشۋدى كوزدەپ وتىر. ءسويتىپ 1991 -جىلدان بەرى گرەكيامەن جالعاسىپ كەلە جاتقان داۋعا نۇكتە قويماقشى.

بۇل تۋرالى وسى ەلدىڭ پرەمەر- ءمينيسترى زوران زايەۆ مالىمدەدى.

ءبىراق ۇكىمەت باسشىسى رەسمي افينامەن دە كەلىسسوز جۇرگىزىلىپ جاتقانىن جەتكىزدى. ال ەكى ەلدىڭ اراسىنداعى داۋعا گرەكيادا وسى اتتاس ايماقتىڭ بولۋى سەبەپ. سوندىقتان رەسمي افينا ماكەدونيادان مەملەكەتتىڭ اتىن وزگەرتۋدى تالاپ ەتىپ، ونىڭ ەۋرووداق پەن ناتو- عا مۇشە بولۋىنا كەدەرگى كەلتىرىپ وتىر.

 1993 -جىلى دا گرەكيا بۇل مەملەكەتتى ب ۇ ۇ- عا «بۇرىنعى يۋگوسلاۆيالىق ماكەدونيا رەسپۋبليكاسى» دەپ قابىلدانۋىنا قول جەتكىزگەن ەدى. ءبىراق ازىرگە رەسمي سكوپەنىڭ حالىق تالقىسىنا قانداي جاڭا ات ۇسىنعالى وتىرعانى بەلگىسىز. بۇعان دەيىن اقپارات قۇرالدارىندا گرەك بيلىگىنىڭ ماكەدونيا ۇكىمەتىنەن ەلدى «ۆارداري» دەپ اتاۋدى ۇسىنعانى تۋرالى ايتىلعان. ءبىراق سكوپە ونى قابىلداماي تاستاعان ەدى.

www.24.kz