كادىمگى كۇرىش قاۋىزىنان قۋات الۋعا بولادى

استانا. قازاقپارات - شىمكەنتتە جاس عالىم كادىمگى كۇرىش قاۋىزىنان قۋات الۋعا بولاتىنىن دالەلدەدى. ءىلياس مۇراتتىڭ ءتورت جىل بويى ەڭبەكتەنگەن جوباسى «كۇرىش قاۋىزىنان جاسالعان بيولوگيالىق باكتەريالار» دەپ اتالادى.

ول ارنايى باكتەريالار ارقىلى كۇرىشتىڭ قاۋىزىن بەلسەندى قۇرامدارعا ىدىراتۋ ارقىلى ەلەكتر ەنەرگياسىن الۋعا مۇمكىندىك بەرەدى.

م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ 4-كۋرس ستۋدەنتى بۇل عىلىمي جاڭالىعىن كۋرستاستارىمەن بىرگە ىسكە اسىرعان. جول كورسەتكەن ونەرتاپقىشتىڭ اكەسى ەكەن. ءىلياستىڭ بۇل جوباسى بىرنەشە بايقاۋدا جۇلدەگە ىلىگىپتى. جالپى مەملەكەت باسشىسىنىڭ بيىلعى جولداۋىندا رەسۋرستىق الەۋەتتى ودان ءارى دامىتۋ مەن بالامالى قۋات كوزدەرىن الۋعا اسا ءمان بەرىلگەن بولاتىن.

ءىلياس مۇرات، ونەرتاپقىش:

-  كۇرىشتىڭ قاۋىزى كۇرىش شارۋاشىلىعىنىڭ قالدىعى بولىپ ەسەپتەلەدى. سول سەبەپتى كوپتەگەن جەرلەردە ونى جاعىپ، ەكولوگياعا وراسان زور زارداپتار تيگىزۋدە. ال ءبىز قاجەتسىز قوقىستى ءتيىمدى جولدا پايدالانىپ قانا قويماي، ودان بولاشاقتا ەلەكتر ەنەرگياسىن ءوندىرۋ ارقىلى پايدا تابامىز.

ساپارعالي الدەشوۆ، عىلىمي جەتەكشى:

 -  ءىلياستىڭ بۇدان باسقا ءبىر جوباسى بار. ول اسەلدەن باسقا قوسپالار ارقىلى ماز الۋ. كرەم جاساۋ يدەياسى بار. ونى دا كەلەشەكتە جارىققا شىعارامىز دەگەن ويدامىز.

www.24.kz