قازاقستان جانە رەسەي پرەزيدەنتتەرى تەلەفون ارقىلى سويلەستى

استانا. قازاقپارات - ق ر پرەزيدەنتى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

مەملەكەتتەر باسشىلارى اڭگىمەلەسۋ بارىسىندا ەكىجاقتى ىنتىماقتاستىقتىڭ جاعدايى مەن پەرسپەكتيۆاسىن، سونداي- اق قازاقستان مەن رەسەيدىڭ ەۋرازيالىق ەكونوميكالىق ينتەگراتسيا اياسىنداعى ءوزارا ىقپالداستىق ماسەلەلەرىن تالقىلادى.

ەكى ەل كوشباسشىلارى نۇرسۇلتان نازاربايەۆتىڭ ۆاشينگتونعا ساپارىنا جانە قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىعىنا بايلانىستى كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماستى.