قازاقستان مەن ا ق ش اراسىندا ۆيزالىق رەجىمدەردى جەڭىلدەتۋ جۇمىسى جالعاسا بەرەدى

استانا. قازاقپارات - ق ر سىرتقى ىستەر مينيسترلىگى قازاقستان مەن ا ق ش اراسىنداعى ۆيزالىق رەجىمدى جەڭىلدەتۋ جۇمىسىن جۇرگىزە بەرمەك.

 بۇل تۋرالى مەملەكەت باسشىسى نۇرسۇلتان نازاربايەۆتىڭ ا ق ش- قا جاساعان رەسمي ساپارىنىڭ قورىتىندىسى بويىنشا استانادا باسپا ءسوز ءماسليحاتىن وتكىزگەن ق ر سىرتقى ىستەر ۆيتسە- ءمينيسترى ەرجان اشىقبايەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«ساپار قورىتىندىسىنىڭ ەكونوميكالىق ىنتىماقتاستىعىمىزعا قالاي اسەر ەتەتىنىن ايتار بولساق، بۇل ا ق ش پرەزيدەنتى دونالد ترامپتىڭ ساپار ناتيجەلەرى بويىنشا جاساعان مالىمدەمەسىندە انىق بايقالعانىنداي، ەڭ الدىمەن ا ق ش قازاقستانداعى وزگەرىستەردى، مودەرنيزاتسيالىق ۇردىستەردى تولىعىمەن قولدايدى. بۇل - ءبىر. ەكىنشىدەن، ا ق ش اكىمشىلىگى امەريكالىق كومپانيالارعا قازاقستانمەن ىنتىماقتاستىقتى دامىتۋدا بارىنشا قولداۋ جاساۋعا مۇددەلى ەكەنىن دە ءبىلدىردى. ۇشىنشىدەن، ارينە، ساپار ناتيجەلەرى مالىمدەمەدە بايقالعانداي، ەكىجاقتى عانا ەمەس، سونداي- اق ەكونوميكالىق ۇيىمدار اياسىندا دا ىنتىماقتاستىقتى دامىتۋدا ۋاعدالاستىققا قول جەتكىزىلدى»، - دەيدى ق ر سىرتقى ىستەر ۆيتسە- ءمينيسترى.

ەرجان اشىقبايەۆتىڭ ايتۋىنشا، ەكى ەل اراسىندا ۆيزالىق رەجىمگە بايلانىستى كەلىسىمدەر بار.

«ۆيزالىق جەڭىلدىكتەر بويىنشا ايتار بولساق... قازىرگى كەزدە قازاقستان ازاماتتارى امەريكاعا 10 جىلدىق ۆيزا الۋعا قۇقىلى. باسقا ەلدەرمەن سالىستىرعاندا، ەۋروپا وداعىنىڭ شەنگەن ۆيزالارىن الۋ ءۇشىن قانداي قيىندىقتار بارى وزدەرىڭىزگە ءمالىم. امەريكالىق ارىپتەستەرىمىزبەن ءبىز 2016 -جىلدان باستاپ تۇراقتى نەگىزدە 10 جىلدىق ۆيزالاردى بەرۋگە قول جەتكىزگەن بولاتىنبىز. بۇل باسىمدىق قازاقستاندىق تاراپقا كەلگەندە ىسكەر بيزنەس وكىلدەرىنە، وقۋشىلارعا، تۋريستەرگە بەرىلەدى. قازاقستان تاراپى ەكونوميكالىق ىنتىماقتاستىق جانە دامۋ ۇيىمىنا مۇشە مەملەكەتتەرگە بەرىلگەن جەڭىلدىكتەر اياسىندا بەلگىلى ءبىر مەرزىمگە دەيىن ۆيزاسىز رەجىمدى بەرىپ وتىر»، - دەيدى ول.

ق ر سىرتقى ىستەر ۆيتسە- ءمينيسترى ۆيزالىق رەجىمدى ارى قاراي جەڭىلدەتۋ ماسەلەسى كوتەرىلەتىنىن اتاپ ءوتتى.

«بۇل ءبىزدىڭ سىرتقى ساياساتىمىزدىڭ كۇن تارتىبىندەگى ناقتى تاپسىرمالارىنىڭ ءبىرى. الايدا قازىرگى كەزدە ءبىزدىڭ ازاماتتاردىڭ ا ق ش ۆيزاسىن الۋدا ۇلكەن قيىندىقتارى تۋىپ وتىر دەپ ايتا المايمىز. ۆيزالار كەلىسىلگەن شارتتار بويىنشا بەرىلىپ وتىر. ءبىراق، ءالى دە ۆيزالىق تالاپتاردى جەڭىلدەتۋگە تىرىسامىز. بۇل، ارينە، ا ق ش- تاعى ىشكى ساياساتىنىڭ ۇردىستەرىنە بايلانىستى بولعانىن ەسكە سالا كەتەيىن. ا ق ش- تا قازىرگى كەزدە ميگراتسياعا كەلگەندە ىشكى ديسكۋسسيا ءجۇرىپ جاتىر»، - دەيدى ول.

اۆتور: ايان بەكەن ۇلى