قازاقستان بيداي ەكسپورتى بويىنشا اۋعانستان نارىعىن جالعىز ءوزى جاۋىپ وتىر - ق ر س ءى م
بۇل تۋرالى مەملەكەت باسشىسى نۇرسۇلتان نازاربايەۆتىڭ ا ق ش- قا جاساعان رەسمي ساپارىنىڭ قورىتىندىسى بويىنشا استانادا باسپا ءسوز ءماسليحاتىن وتكىزگەن ق ر سىرتقى ىستەر ۆيتسە- ءمينيسترى ەرجان اشىقبايەۆ ءمالىم ەتتى،
دەپ حابارلايدى «قازاقپارات» ح ا ا ءتىلشىسى.
«اۋعانستانعا لوگيستيكالىق قولداۋ كورسەتۋ جونىندەگى كەلىسىمدەرگە كەلەر بولساق. تەمىرجول مەن اۋە ترانزيتى تۋرالى ايتتىق. بۇل ماسەلەلەر قازاقستان رەسپۋبليكاسى تاراپىنان بىرنەشە جىلدان بەرى كوتەرىلگەن. ءبىز وزىمىزگە جۇكتەلگەن مىندەتتەمەلەردىڭ بارلىعىن تولىقتاي ورىنداپ وتىرمىز. ەندىگى كەزەكتە، قازاقستاننىڭ بيزنەس وكىلدەرىن اۋعانستانداعى ەكونوميكالىق جوبالارعا قاتىستىرۋعا مۇددەلىمىز. بۇل جايىندا دا ا ق ش- تا ارىپتەستەرىمىزبەن ماسەلە كوتەرگەن ەدىك. قازاقستان تاۋارلارىنىڭ اۋعان نارىعىنا كىرۋ ماسەلەسى دە ءبىزدىڭ نازارىمىزدا. سوڭعى 2016-2017 -جىلداردى ايتار بولساق، قازاقستان بيداي ەكسپورتى بويىنشا اۋعانستان نارىعىن جالعىز ءوزى جاۋىپ وتىر دەسەك تە بولادى. سوندىقتان، ءالى دە باسقا تاۋارلار بويىنشا الەۋەتىمىز بار. سول الەۋەتتەردى ىسكە اسىرۋعا بارىنشا كۇش سالامىز»، - دەيدى ەرجان اشىقبايەۆ.
ەسكە سالا كەتسەك، 20 - قاڭتاردا ب ۇ ۇ قاۋىپسىزدىك كەڭەسىندە قازاقستاننىڭ ءتوراعالىق ەتۋىمەن «اۋعانستان مەن ورتالىق ازياداعى ايماقتىق سەرىكتەستىكتى قاۋىپسىزدىك پەن دامۋدىڭ ءوزارا تاۋەلدىلىك ۇلگىسىندە قۇرۋ» تاقىرىبىندا مينيسترلىك دەڭگەيىندە دەباتتار وتكىزىلگەن بولاتىن. قازاقستاننىڭ سىرتقى ىستەر ءمينيسترى قايرات ءابدىراحمانوۆ اتالعان جيىندا ءسوز سويلەپ، قازاقستاننىڭ ب ۇ ۇ ق ك- دە ءوز جۇمىسىن باستاۋىنا بايلانىستى پرەزيدەنت نۇرسۇلتان نازاربايەۆ «گۇلدەنگەن، ءادىل ءارى قاۋىپسىز الەم قۇرۋ ءۇشىن جاھاندىق ىنتىماقتاستىقتى بەكەمدەۋدىڭ كونسەپتۋالدى كوزقاراسى» اتتى ءوزىنىڭ ۇندەۋىندە جەتى باسىمدىقتى ەرەكشە ءبولىپ كورسەتكەنىن اتاپ ءوتتى.
اتالعان جەتى باسىمدىقتىڭ ءبىرى - ورتالىق ازيا مەن اۋعانستاندى بەيبىتشىلىكتىڭ، ىنتىماقتاستىق پەن قاۋىپسىزدىكتىڭ مودەلىنە اينالدىرۋ بولىپ تابىلادى. قاۋىپسىزدىك كەڭەسىندەگى ءبىزدىڭ ەلدىڭ تۇراقتى ەمەس مۇشەلىگى كەزىندە اتالىپ وتكەن باسىمدىقتاردىڭ تاعى ءبىرى رەتىندە مەملەكەت باسشىسى ءوزارا تاۋەلدىلىك جانە دامۋ مودەلى تۇرعىسىندا ۇزاق مەرزىمدى تۇراقتىلىق پەن مىعىم بەيبىتشىلىككە دەن قويدى.
اۆتور: ايان بەكەن ۇلى
