كابۋلداعى شابۋىلعا ب ۇ ۇ قاۋىپسىزدىك كەڭەسىنىڭ وتىرىسى سەبەپ بولۋى مۇمكىن - ق ر س ءى م

استانا. قازاقپارات - ق ر سىرتقى ىستەر ۆيتسە- ءمينيسترى ەرجان اشىقبايەۆ كابۋلداعى تەراكتقا بايلانىستى پىكىرىن ءبىلدىردى، دەپ حابارلايدى «قازاقپارات» ح ا ا ءتىلشىسى.

«اتالعان تاقىرىپتى تالقىلاۋ (اۋعانستانداعى جاعدايدى تۇراقتاندىرۋ - اۆت.) نەمەسە ب ۇ ۇ قاۋىپسىزدىك كەڭەسىنىڭ وتىرىسى كابۋلداعى شابۋىلعا سەبەپ بولدى دەگەندى بولجامدى سىزىپ تاستاۋعا بولمايدى»، - دەدى ەرجان اشىقبايەۆ تىلشىلەردىڭ سۇراعىنا جاۋاپ بەرە وتىرىپ.

ونىڭ ايتۋىنشا، لاڭكەستەر وزدەرىن جارنامالاۋ ءۇشىن مۇنداي مۇمكىندىكتى پايدالانعان بولۋى مۇمكىن. سونىمەن قاتار، اشىقبايەۆ اۋعانستانداعى احۋالدى رەتكە كەلتىرۋ باعىتىندا ا ق ش- تى قولدايتىنىن جانە اۋعان جاستارى ءۇشىن ساپالى ءبىلىم الۋدا ءبىزدىڭ ەلدىڭ ماڭىزدىلىعىنا توقتالدى.

«ا ق ش ءوز تاراپى اۋعانستانداعى احۋالدى رەتكە كەلتىرۋدە ماڭىزدى ۇلەسىن قوسىپ كەلەدى. قازاقستان اۋعانستانداعى احۋالدى رەتكە كەلتىرۋ بويىنشا ا ق ش اكىمشىلىگىنىڭ جاڭا ءادىسىن تولىق قولداپ، قازاقستاننىڭ ءبىلىم باعدارلاماسى اياسىندا وتە ۇلكەن اسەرىن تيگىزۋدە: مىڭعا جۋىق اۋعان جاستارى بەيبىت باعىتتاعى ماماندىقتاردى يگەرۋدە. 500-گە جۋىعى ءوز ەلىنە قايتىپ ورالىپ، بەيبىت ءومىردى قالپىنا كەلتىرۋ پروتسەسىنە اتسالىسىپ جاتىر»، - دەيدى ەرجان اشىقبايەۆ.

ق ر سىرتقى ىستەر ۆيتسە- ءمينيسترى سونىمەن بىرگە، اۋعانستانداعى احۋال بۇكىل ورتالىق ازيا ەلدەرىنە اسەرىن تيگىزەتىنىن تىلگە تيەك ەتتى.

«اۋعانستان - ءبىزدىڭ كورشىمىز. ورتالىق ازيا ەلدەرى ارقىلى ءبىز بۇل مەملەكەتتىڭ قالاي اسەر ەتەتىنىن بايقاپ وتىرمىز. اۋعانستانداعى بولجامدى تۇراقسىزدىق، قاربالاستىقتىڭ بىرتىندەپ ۇدەۋى ورتالىق ازيانىڭ ورتاق كليماتىندا بايقالادى. سوندىقتان، بۇۇ قاۋىپسىزدىك كەڭەسىندەگى الاڭدا جانە مەملەكەت باسشىسىنىڭ رەسمي ساپارى اياسىندا اۋعانستانعا جان- جاقتى جاردەم بەرۋ قاجەتتىلىگى ايتىلعان بولاتىن»، - دەيدى ول.

ەسكە سالا كەتسەك، اۋعانستاندا سودىرلاردىڭ قوناقۇيگە شابۋىلى سالدارىنان قازاقستان ازاماتى قازا بولعان ەدى. جاقىن كۇندەرى مەرت بولعان ازاماتتىڭ دەنەسىن وتانىنا جەتكىزۋدى ۇيىمداستىرۋ بويىنشا ماسەلەلەر شەشىلەتىن بولادى.

اۆتور: ايان بەكەن ۇلى