يتاليا پوليتسەيلەرى قازاقستاندىق بياتلونشىلاردان زاڭسىز پرەپارات تاپپاعان
«ب ا ق- تا شىققان الەم كۋبوگىنا قاتىسۋ ءۇشىن يتالياعا بارعان قازاقستاندىق بياتلونشىلاردى يتاليالىق قۇقىق قورعاۋ قىزمەتكەرلەرى تەكسەردى دەگەن مالىمەتتى ەسكەرە وتىرىپ، ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى قازاقستاندىق سپورتشىلاردىڭ - دوپينگتەن «تازا» ەكەندىگىن رەسمي تۇردە حابارلايدى»، دەلىنگەن كوميتەتتىڭ باسپا ءسوز قىزمەتى تاراتقان حابارلامادا.
كوميتەتتىڭ حابارلاۋىنشا، ىزدەۋ شارالارى كەزىندە، يتاليالىق پوليتسەيلەر وتاندىق سپورتشىلاردان ەشقانداي دا زاڭسىز ءدارى-دارمەك تاپپاعان.
«ىزدەۋدەن سوڭ، يتاليالىق پوليتسەيلەردىڭ قازاقستاندىق سپورتشىلارعا تاعاتىن ەشقانداي كىناسى جوق ەكەندىگى تۋرالى حاتتاما تولتىرىلعان. حالىقارالىق بياتلونيستەر وداعى قازاقستاندىق ارىپتەستەرىنە بارلىق جاعدايدى ۋاقىتىندا حابارلاپ وتىرعان»، - دەلىنگەن حابارلامادا.
ەسكە سالا كەتسەك، 21- قاڭتاردا يتاليالىق پوليتسەيلەر انتحولتستا ونەر كورسەتىپ جاتقان بياتلوننان قازاقستان قۇراماسىنىڭ ورنالاسقان مەكەن جايىندا ءتىنتۋ جۇرگىزگەن. پوليتسەيلەر تىيىم سالىنعان پرەپاراتتاردى ىزدەگەن.
