بوليۆيا ديپلوماتى: قازاقستان - ورتالىق ازياداعى تالاسسىز كوشباسشى
بۇل رەتتە، مۇحيتقا تىكەلەي شىعۋ مۇمكىندىگى جوق بولا تۇرا الەم ەلدەرىمەن ساۋدا-ساتتىقتى دامىتۋ تاجىريبەسى مەن حالىقارالىق ماسەلەلەردى شەشۋ جولىنداعى قازاقستان رەسپۋبليكاسىنىڭ كوزقاراسى ەرەكشە قىزىعۋشىلىقتى تۋدىرادى. مۇنداي پىكىردى ب ۇ ۇ- داعى بوليۆيانىڭ تۇراقتى وكىلدىگىنىڭ كەڭەسشىسى ينچاۋستە دجوردان (Pedro Inchauste Jordan) ءبىلدىردى، دەپ حابارلايدى «قازاقپارات» ح ا ا ءتىلشىسى.
«ءوزىنىڭ ءتوراعالىق ەتۋ كەزەڭىندە قازاقستان يادرولىق قارۋدىڭ تارالماۋ ماسەلەسىنە، سونىمەن قاتار ورتالىق ازيا مەن اۋعانستان، تەرروريزمگە قارسى جاھاندىق كۇرەس ماسەلەلەرىنە باسا دەن قويدى. قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن وتىرىس وتكىزىلىپ، ول يادرولىق قارۋلاردى تاراتپاۋ باعىتىندا تىڭ ۇسىنىستاردى ءبىلدىردى. قاۋىپسىزدىك كەڭەسى ءۇشىن ماڭىزدى شارالاردىڭ ءبىرى رەتىندە اۋعانستان مەن ورتالىق ازيا بويىنشا وتكەن مينيسترلىك دەباتتاردى اتاپ وتۋگە بولادى. مەنىڭ ويىمشا، قاۋىپسىزدىك كەڭەسى اتالعان باعىتتارعا جۇمىس رەتىن بەيىمدەپ، ايماقتىق ادىستەردى قولدانۋ ارقىلى قاۋىپسىزدىك پەن دامۋدى ۇشتاستىرۋىنا بولادى. سونىمەن قاتار، بۇۇ اياسىندا قازاقستان ۇسىنعان ۇيلەسىمدەردى ءساتتى جۇزەگە اسىرا الادى»، - دەيدى ول.
بوليۆيالىق ديپلومات ءوز سوزىندە ورتالىق ازيانىڭ بەس مەملەكەتىنىڭ بارلىعىنىڭ وكىلدەرى قاۋىپسىزدىك كەڭەسىندەگى ءبىر ۇستەلدە باس قوسقاندارىن ءبىرىنشى رەت كورىپ وتىرعانىن اتاپ ءوتتى.
«بۇل قازاقستاندى ورتالىق ازياداعى كوشباسشى رەتىندە تانىتا بىلەتىن تاريحي ءسات. ىشكى قۇرلىقتا ورنالاسقان بوليۆيا سەكىلدى مەملەكەتكە اۋعانستان ماسەلەسىن شەشۋ جانە مۇحيتقا تىكەلەي شىعا المايتىن جاعدايدا الەم ەلدەرىمەن ساۋدا-ساتتىق قاتىناسىن ورناتۋ تاجىريبەسى قىزىعۋشىلىق تۋدىرادى. ءبىزدىڭ مەملەكەت تىنىق مۇحيتىنا شىعۋدى كوزدەيدى. سوندىقتان، قازاقستاننىڭ تاجىريبەسى بىزگە دە ماڭىزدى»، - دەيدى پ. ينچاۋستە دجوردان.
ەسكە سالا كەتسەك، 18- قاڭتار كۇنى قاۋىپسىزدىك كەڭەسىندە قازاقستان پرەزيدەنتى نۇرسۇلتان نازاربايەۆتىڭ ءتوراعالىق ەتۋىمەن يادرولىق قارۋلاردى تاراتپاۋ تاقىرىبىندا دەبات وتكىزىلدى. دەباتتاردىڭ قورىتىندىسى بويىنشا ب ۇ ۇ قاۋىپسىزدىك كەڭەسى ءتوراعانىڭ مالىمدەمەسىن قابىلدادى.
19- قاڭتار كۇنى قازاقستاننىڭ سىرتقى ىستەر ءمينيسترى قايرات ءابدىراحمانوۆ ق ر- دىڭ ءتوراعالىق ەتۋىمەن «اۋعانستان مەن ورتالىق ازيادا ايماقتىق سەرىكتەستىكتى قاۋىپسىزدىك پەن دامۋدىڭ وزاراتاۋەلدىلىك ۇلگىسىندە قۇرۋ» تاقىرىبىندا وتكەن ب ۇ ۇ قاۋىپسىزدىك كەڭەسىنىڭ مينيسترلىك وتىرىسىندا ءسوز سويلەدى. ول اۋعانستان مەن ورتالىق ازيادا بەيبىتشىلىك پەن دامۋدىڭ ۇشۆەكتورلى مودەلىن ۇسىندى.
