فۋتزالدان ۇلتتىق قۇراما ەۋروپا چەمپيوناتىنا دايىندىقتى باستادى

استانا. قازاقپارات - فۋتزالدان قازاقستان ۇلتتىق قۇراماسى قاڭتار ايىنىڭ سوڭىندا باستالاتىن ەۋروپا چەمپيوناتىنا دايىندىقتى باستادى، دەپ حابارلايدى قازاقپارات prosports.kz سايتىنا سىلتەمە جاساپ.

برازيليالىق مامان كاكاۋدىڭ شاكىرتتەرى سلوۆەنيانىڭ ليۋبليانا قالاسىندا وتەتىن ەۋرو-2018 تۋرنيرىنە تىڭعىلىقتى دايىندالۋدا. وسى جولعى دايىندىققا 25 فۋتزالشىنىڭ 17 ءسى شاقىرىلدى. ءبىراق سلوۆەنياعا ولاردىڭ 14 ءى عانا بارادى.

سونىمەن قاتار ۇلتتىق قۇرامامىز 27- قاڭتاردا ۋكراينامەن جولداستىق كەزدەسۋ وتكىزۋدى جوسپارلاپ وتىر. ال ەۋروپا چەمپيوناتىنداعى العاشقى ويىنىمىز 1- اقپاندا پولشا قۇراماسىنا قارسى وتەدى. اراعا ەكى كۇن سالىپ، توپتاعى ەكىنشى قارسىلاسىمىز - رەسەيمەن كۇش سىناساتىن بولامىز.