07:57, 22 - قاڭتار 2018 | GMT +6
اتىراۋلىقتار پحەنچحان وليمپياداسىنا باراتىن سپورتشىلارىمىزعا قولداۋ ءبىلدىردى - فوتو
استانا. قازاقپارات - اتىراۋ قالاسىنىڭ تۇرعىندارى مەن قوناقتارى وڭتۇستىك كورەيادا وتەتىن XXIII قىسقى وليمپيادا ويىندارىنا قاتىساتىن قازاقستاندىق سپورتشىلارعا قولداۋ ءبىلدىردى، دەپ حابارلادى اتىراۋ وبلىستىق وڭىرلىك كوممۋنيكاتسيالار قىزمەتىنەن.
اتاپ ايتقاندا، جايىق وزەنىنىڭ ۇستىندە سپورتتىق ويىنداردان فەستيۆال ۇيىمداستىرىلدى.
شارالاردى قالالىق اكىمدىك پەن دەنە شىنىقتىرۋ جانە سپورت ءبولىمى ۇيىمداستىردى. جارىستارعا بارلىق قالا تۇرعىندارى قاتىسۋعا مۇمكىندىك الدى. ولار جەكە جانە توپتىق سىنداردا باق سىنادى. كوپتەگەن تۇرعىندار مەرەكەگە وتباسىمەن كەلدى. ءبىرى كونكي تەپسە، ەندى ءبىرى حوككەي جانە كوڭىلدى ستارت ويىنىنا قاتىستى. بۇقارالىق شاراعا 500 دەن استام ادام قاتىستى.
