س ق و- دا جابايى قاباندى اۋلاعان براكونەر ۇستالدى

استانا. قازاقپارات - س ق و جامبىل اۋدانىندا جابايى قابان اۋلاعان براكونەردىڭ زاڭسىز ارەكەتىنىڭ بەتى اشىلدى، دەپ حابارلايدى «قازاقپارات» ح ا ا ءتىلشىسى.

س ق و ءى ءى د باسپا ءسوز قىزمەتىنىڭ حابارلاۋىنشا، وبلىستىق ءىىد مەن اۋداندىق ءى ءى ب ءبولىمى قىزمەتكەرلەرى بىرلەسىپ، رەيد جۇمىستارىن جۇرگىزگەن. رەيد بارىسىندا جامبىل اۋدانىنىڭ ۋەردنوە اۋىلىنا جاقىن ماڭدا اۆتوكولىكتىڭ ءىزى، بىتىرانىڭ وعىمەن تەسىلگەن قاباننىڭ تەرىسى مەن ىشكى مۇشەلەرى تابىلعان.

«اۆتوكولىكتىڭ ءىزى قۇقىق قورعاۋشىلاردى كازانكا اۋىلىنا الىپ كەلدى. ول قاباننىڭ تەرىسى تابىلعان ورىننان 27 شاقىرىم جەردە ورنالاسقان اۋىل. وسى اۋىلدىڭ تۇرعىنىنىڭ ۇيىنەن اتىلعان اڭنىڭ ەتى مەن اڭشىلىق قارۋى تابىلدى»، - دەلىنگەن باسپا ءسوز قىزمەتىنىڭ حابارلاماسىندا.

 كەلتىرىلگەن شىعىن كولەمى 900 مىڭ تەڭگە. زاڭسىز اڭ اۋلاۋ جاعدايى بويىنشا ق ر ق ك- ءنىڭ 337-بابى 3-بولىگى بويىنشا قىلمىستىق ءىس قوزعالعان.

 اتالعان باپ ايىپكەرگە 4 ميلليون 800 مىڭ تەڭگەگە دەيىن ايىپپۇل سالۋدى كوزدەيدى.

اۆتور: ايان بەكەن ۇلى