ەلىمىز ارقىلى باكۋگە جونەلتىلەتىن قىتايدىڭ العاشقى جۇك پويىزى جولعا شىقتى

استانا. قازاقپارات - قىتايدىڭ ءۇرىمجى قالاسىنان شىققان اۆتوبولشەكتەر، ينجەنەرلىك تەحنيكالار مەن تۇرمىستىق زاتتار تيەلگەن جۇك پويىزى الاشاڭقاي باقىلاۋ- وتكىزۋ بەكەتىندە مەملەكەتتىك شەكارانى كەسىپ ءوتىپ،

قازاقستاننىڭ قۇرىق پورتىنا جەتەدى.

 36 كونتەينەر ودان ءارى تەڭىز تاسىمالدارى ارقىلى باكۋگە جونەلتىلەتىن بولادى. بۇل تۋرالى شينحۋا اگەنتتىگى حابارلادى.

قازاقستان مەن قىتاي تەمىر جولدارى ۆەدومستۆولارىنىڭ ىنتىماقتاستىعى ارقاسىندا اشىلعان ءۇرىمجى - قۇرىق - باكۋ جاڭا باعىتى قىتاي مەن گرۋزيا، يران، ازەربايجان، تۇركيا جانە ەۋروپا ەلدەرى اراسىندا جۇك تاسىمالدارى ءۇشىن جوعارى ءتيىمدى جانە ىڭعايلى لوگيستيكالىق ءدالىز بولىپ تابىلادى.

شىڭجاڭ تەمىرجول ۆەدومستۆوسىنىڭ مالىمەتىنە سايكەس، تەمىرجول مەن تەڭىز تاسىمالدارىن قامتيتىن جاڭا باعىتتىڭ جالپى ۇزاقتىعى 4186 شاقىرىمدى قۇرايدى، جولداعى ۋاقىت - 8 كۇن. بۇل تەمىرجول تاسىمالدارىنىڭ ۇشتەن ەكىسى.

 «سينتە» شىڭجاڭ حالىقارالىق لوگيستيكالىق كومپانياسى باس ديرەكتورىنىڭ ورىنباسارى نان تسزيۋن اتاپ وتكەندەي، 2018 -جىلى ءۇرىمجىنىڭ قابىلداۋ- ۇلەستىرۋ ورتالىعىنان ەۋروپاعا 1400 جۇك پويىزىن جونەلتۋ كوزدەلگەن.

اۋدارما: ميرا تولەندى قىزى