ماڭعىستاۋدىڭ تۇيەلەرىن ۇرلاعان شەتەلدىكتەر ۇستالدى
وبلىستىق ىشكى ىستەر قىزمەتكەرلەرى تۇيە ۇرلاعانداردى بەينەۋ اۋدانى مەن اتىراۋ اۋماعىنان ۇستاعان.
بارىمتاشىلار ءىرى قارانى قىزىلساي اۋدانىنداعى ءوندىرىس اۋماعىنان تۇيەلەر قاراۋسىز قالعاندا ايداپ اكەتكەن. جەدەل ءىس- شارا بارىسىندا ءىرى قارا مالدى ۇرلاۋمەن اينالىساتىن توپتاردىڭ ءبىرى اتىراۋدا، تاعى ءبىرى - بەينەۋ اۋدانىنىڭ اۋماعىندا ۇستالعان.
«كۇدىكتىلەردى تەكسەرۋ بارىسىندا ولاردىڭ بۇرىن وسىنداي قىلمىس جاساعانى ءۇشىن ءىستى بولعاندارى انىقتالدى. سونداي- اق، ولار 8 - قاڭتاردا اقتاۋدان بەس شاقىرىم جەردە جايىلىپ جاتقان ەكى تۇيەنى ۇرلاعان. بارىمتاشىلار تۇرىكمەنستان جانە وزبەكستان ازاماتتارى بولىپ شىقتى. كەلتىرىلگەن زالالدىڭ سوماسى 2 ميلليون 750 مىڭ تەڭگە» ، - دەلىنگەن وبلىستىق ءى ءى د باسپا ءسوز قىزمەتى تاراتقان حابارلاما.
ولارعا قاتىستى ق ر ق ك 188-بابى بويىنشا قىلمىستىق ءىس قوزعالدى. سوتقا دەيىنگى تەرگەۋ امالدارى ءجۇرىپ جاتىر.
