استانادا جاڭا شىققان قىرىققا جۋىق كىتاپ تانىستىرىلدى

 استانا. قازاقپارات - ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعى استانادا «ەلباسى جولداۋى: جاڭا جاھاندىق كەزەڭدەگى قازاق ءتىلى» اتتى دوڭگەلەك ۇستەل وتكىزدى.

 شارا بارىسىندا قازاق تىلىندەگى ەنتسيكلوپەديالىق، وقۋ- ادىستەمەلىك، عىلىمي، انىقتامالىق، تانىمدىق مازمۇندا قىرىققا جۋىق كىتاپتىڭ تۇساۋكەسەرى ءوتتى، دەپ حابارلايدى «قازاقپارات» ح ا ا ءتىلشىسى.

 شارادا ەلىمىزگە بەلگىلى ءبىرقاتار زيالى قاۋىم وكىلدەرى مەن ءماجىلىس دەپۋتاتتارى باس قوستى. جيىندا ءسوز باستاعان ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعىنىڭ ديرەكتورى ەربول تىلەشوۆ ارنايى قۇرىلعان كوميسسيا 400 كىتاپتىڭ 70 ءىن تاڭداپ العانىن ايتىپ ءوتتى. قازاق تىلىندە جان- جاقتى سالالى تۋىندىلاردى شىعارۋ «2011-2020 -جىلعا ارنالعان مەملەكەتتىك ءتىلدى دامىتۋدىڭ باعدارلاماسى» اياسىندا جۇزەگە اسىرىلىپ وتىر.

« ءار سالانىڭ ەڭبەكتەرىن كوز الدارىڭىزدا وتىرىپ، بىرنەشە سالاعا توپتاپ الىپ ايتقىم كەلەدى. ەڭ الدىمەن ەنتسيكلوپەديالىق ادەبيەتتەر. احاڭا (احمەت بايتۇرسىنوۆ - اۆت) ارنالعان ەنتسيكلوپەديا. بۇعان وسى ۋاقىتقا دەيىن جازعان جانە ورتامىزدا جازىپ جۇرگەن اۆتورلاردىڭ بارلىعى جۇمىلدىرىلدى. ەنتسيكلوپەدياعا 700 بەتتەن اسقان مالىمەتتەردىڭ بارلىعى جينالدى. سونىمەن بىرگە، «الاش قوزعالىسى. بالالارعا ارنالعان انىقتامالىق» اتتى بالالارعا ارنالعان ەكى كىتاپ شىعاردىق. بىرەۋى الاش قوزعالىسىنا قاتىستى، ناقتى 1917-1919 -جىلدارى ءسابيت دونەنتايەۆ، عۇمار قاراش، بەيىمبەت مايلين، اسەت نايمانباي ۇلى سەكىلدى الاشتىڭ تۇلعالارىنىڭ شىعارمالارى الدارىڭىزدا» ، - دەدى ەربول تىلەشوۆ.

وسىلايشا، «احمەت بايتۇرسىن ۇلى» ەنتسيكلوپەدياسى، «قازاق ءسوزى» قازاق ءتىلىنىڭ بەلسەندى لەكسيكا- گرامماتيكالىق مينيمۋمىنىڭ ادىستەمەلىك كەشەنى، «وقۋ قۇرالى + مۋلتيمەديالىق باعدارلاماسى (سد ديسك) » ، «قازاق ءسوزى» قازاق ءتىلىنىڭ بەلسەندى لەكسيكا- گرامماتيكالىق مينيمۋمىنىڭ ادىستەمەلىك كەشەنى سەكىلدى تۋىندىلار وقىرمانعا جول تارتتى.

سونىمەن بىرگە، قازاقستانداعى كىتاپحانالاردىڭ سورەلەرى «ۋكراين ءتىلىن وقىتۋعا ارنالعان وقۋ- ادىستەمەلىك قۇرال» ، «بالالارعا بازارلىق» (انا ءتىلىن ۇيرەتۋ قۇرالدارى) ، «ءسوز سىنى» ، «قازاقستاننىڭ 700 تاريحي ورىنى» جيناقتارى، «الاش قوزعالىسى» جيناعى، «الاش قوزعالىسى. بالالارعا ارنالعان انىقتامالىق» ، «ادىستەمە الەمىندە» (عىلىمي- ادىستەمەلىك جيناق) ، «استاناعا قوش كەلدىڭىز! تىلدەسكىش» كىتابىنىڭ يسپان- قىتاي- اراب- اعىلشىن تىلدەرىنە ارنالعان نۇسقالارىمەن ت. س. س كىتاپتارمەن تولىقتى.