قازاقستاندا ەلەكتروندى الاڭدا ساۋدا جاسايتىندار تابىس سالىعىنان بوساتىلدى
«بۇگىنگى تاڭدا الەۋمەتتىك جەلى ارقىلى ساۋدا جاساي الاتىن ادامدار ەلەكتروندى الاڭعا وتە الادى. سول كەزدە تابىس سالىعىن تولەمەي- اق قويۋعا بولادى. ەلەكتروندىق الاڭنىڭ ءوزى جەتكىلىكتى. جەڭىلدىكتەردى الۋدىڭ شارتى: ساۋدانى ەلەكتروندىق تۇردە راسىمدەۋ بولىپ تابىلادى. سوندا تاۋار تولەمى قولما- قول تولەمسىز جۇرگىزىلەدى. ەلەكتروندىق ساۋدا تابىسى جىلدىق جيىنتىق تابىستىڭ 90 پايىزىنان كەم بولماۋى كەرەك»، - دەيدى ۇلتتىق ەكونوميكا ۆيتسە- ءمينيسترى رۋسلان دالەنوۆ.
سونىمەن قاتار، ۆيتسە- مينيستر سانكسيالار مەن باقىلاۋلارعا قارسى ەكەندىگىن جەتكىزدى.
«ەگەر كاسىپكەرلىك دامىپ جاتسا - بۇل البەتتە، جاقسى. ءبىراق، قاي جەردەن تابىس تاپسا دا، قازاقستاندىق سالىق جاعىن دا ۇمىتپاۋى كەرەك. بۇل تالاپتاردى كوزگە ىلمەۋ سالىقتان جالتارۋ بولىپ تابىلادى. ءبىزدىڭ تاپسىرمامىز - ۇستاۋ ەمەس، ءتۇسىندىرۋ»، - دەيدى رۋسلان دالەنوۆ.
ەسكە سالا كەتسەك، جاڭا سالىق كودەكسى 2018 -جىلدىڭ 1 - قاڭتاردان باستاپ كۇشىنە ەنگەن بولاتىن.
اۆتور: ايان بەكەن ۇلى
