قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىعىن قىتاي جوعارى باعالايدى - ەلشى

استانا. قازاقپارات - قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى جاڭ حانحۋەي قازاقستان ساياساتىنا قولداۋ ءبىلدىردى، دەپ حابارلايدى قازاقپارات ءتىلشىسى.

 «قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىق ەتۋى ەلدىڭ حالىقارالىق ارەنا مەن وڭىرلىك ىستەردەگى ماڭىزدى ءرولىن كورسەتەدى. ءبىز قازاقستاننىڭ الەمدەگى بەيبىتشىلىكتى قولداۋ مەن ۇلتتىق ەكونوميكانىڭ دامۋىنا قولداۋ ءبىلدىرۋىن جوعارى باعالايمىز. كورشىلەس مەملەكەتتەر دە، الەم ەلدەرى دە قازاقستاننىڭ ءرولىن جوققا شىعارا المايدى. بارلىعى قازاق حالقىنىڭ جەتىستىكتەرىنە قىزىعا قارايدى. ءبىز سىزدەردى قۇتتىقتايمىز»، - دەدى ەلشى ق ر قارۋلى كۇشتەرىنىڭ اسكەري- تاريحي مۋزەيىندە «بۇگىنگى قىتاي» فوتوكورمەسىنىڭ اشىلۋ سالتاناتىندا.

ديپلومات قىتايدىڭ قازاقستاننىڭ ەگەمەندىگى، ايماقتىق تۇتاستىعى، سىرتقى جانە ىشكى ساياساتى جانە تۇراقتىلىعىنا قولداۋ بىلدىرەتىنىن اتاپ ءوتتى.

ونىڭ ايتۋىنشا، قازاقستان مەن قىتاي - ءوزارا قۇرمەت، تەڭدىك جانە ءوزارا تيىمدىلىككە نەگىزدەلگەن بارلىق تاراپ بويىنشا ستراتەگيالىق سەرىكتەستەر.

«ءبىز شەكارامىزدى دەماركاتسيالاۋدى تولىعىمەن اياقتادىق - ەكى ەل اراسىنداعى دوستىق شەكاراسى 1780 شاقىرىمدى قۇرادى. ءبىز قازاقستاندى ەڭ جاقىن دوسىمىز، تۋعان باۋىرىمىز جانە سەنىمدى سەرىكتەسىمىز دەپ قابىلدايمىز. اراداعى قارىم- قاتىناستى ورتاق بولاشاق ءۇشىن قۇرىپ كەلەمىز جانە دوستىق الاۋىن ۇرپاقتان- ۇرپاققا جەتكىزۋگە دايىنبىز»، - دەيدى قازاقستانداعى ق ح ر ەلشىسى.

اۆتور: ايجان سەرىكجان قىزى