قازاقستاندا دوللار نەگە ارزانداپ جاتقانى ءتۇسىندىرىلدى
19 - قاڭتاردا تاڭەرتەڭگىلىك سەسسيادا KASE- دە دوللار 323.10-324.61 تەڭگە ارالىعىندا ساۋدالاندى. وسى ورايدا امەريكالىق ۆاليۋتا ارزانداعانى بايقالادى. ۆاليۋتا ايىرباستاۋ ورىندارىندا تەڭگەنىڭ 1 ا ق ش دوللارىنا شاققاندا ورتاشا باعامى 324,5- 325,3 تەڭگەنى قۇرادى.
«بىزگە مۇناي باعاسىنىڭ ءوسۋىنىڭ اسەرى دە جەتتى. ەكىنشى فاكتور - اقشا نارىعى ءداستۇرلى تۇردە بازالىق ستاۆكانىڭ تومەندەۋىنە ءتيىستى باسەڭدەۋمەن كورىنىس بەردى. الايدا ۇلتتىق ۆاليۋتانىڭ نىعايۋىنا اسەر ەتكەن ەڭ باستى فاكتور - ول نارىقتاعى تەڭگەنىڭ ءپروفيتسيتى. تەڭگە باعامى نىعايىپ كەلەدى، بۇل ءوز كەزەگىندە اقشا قۇنىنا ىقپال ەتۋدە»، - دەدى قازاقستان قور بيرجاسى باسقارما ءتوراعاسىنىڭ ورىنباسارى اندرەي ساليۋك.
بۇدان بولەك، ول بيرجاداعى جاعداي بويىنشا 2018 -جىلداعى بولجامعا توقتالدى.
«قازاقستان ەكونوميكاسى قالپىنا كەلە جاتىر، وسى ورايدا مەملەكەتتىك باعدارلامالاردى ەسكەرمەسەك تە، نارىقتىڭ بەلسەندىگى ارتاتىنىنا سالماقتى نەگىز بار. ءبىز ىسكەرلىك بەلسەندىلىكتىڭ جوعارىلايتىنىن بولجاپ وتىرمىز، ونىڭ ىشىندە نارىققا شەتەل ينۆەستورلارى تارتىلۋىنىڭ ۇلەسى دە ەلەۋلى بولماق. شەتەل ينۆەستورلارى كەلگەن كەزدە، ولارمەن بىرگە دوللار دا تارتىلادى. بۇل ءوز كەزەگىندە تەڭگە باعامىنا وڭتايلى اسەر ەتەدى. سەبەبى ولار ۆاليۋتانى ساتادى، ال ساتىپ الىنعان تەڭگەنى مەملەكەتتىك باعالى قاعازدارعا ينۆەستيتسيالايدى»، - دەپ توقتالدى ا. ساليۋك.
بارلىق ايتىلعان فاكتورلار كورپوراتيۆتى وبليگاتسيالاردىڭ ارتۋىنا الىپ كەلۋى ءتيىس. سوندىقتان ونىڭ كولەمى ەداۋىر ءوسىپ، اكسيالار كوبەيە تۇسەدى. جالپى، KASE اقشا نارىعىندا كولەمنىڭ ارتۋىن بولجاپ وتىر.
اۆتور: رۋسلان عابباسوۆ
