پاتەردى جالعا بەرۋشىلەر سالىقتى ەكى ەسە از تولەيتىن بولدى

استانا. قازاقپارات - قازاقستاندا قابىلدانعان جاڭا سالىق كودەكسى پاتەرىن جالعا بەرۋشىلەردىڭ سالىعىن ەكى ەسەگە تومەندەتىپ وتىر. ەندىگى كەزەكتە ۇلتتىق ەكونوميكا مينيسترلىگى پاتەردى جالعا بەرۋدى زاڭدى تۇردە تىركەۋ پروتسەسىن جەڭىلدەتۋدى كوزدەۋدە،

 دەپ حابارلايدى «قازاقپارات» ح ا ا ءتىلشىسى.

جاڭا سالىق كودەكسى نەگىزىندە پاتەردى زاڭدى تۇردە جالعا بەرۋ ءتيىمدى بولماق. بۇرىن تابىستىڭ 2 پايىزىن تولەۋ مىندەتتەلىپ كەلسە، ەندى ونىڭ مولشەرى ەكى ەسەگە ازايادى. ياعني، پاتەرىن جالعا بەرۋشى بۇرىن 60 مىڭ تەڭگەگە ءۇيىن جالعا بەرسە، ونىڭ 1200 تەڭگەسىن سالىق رەتىندە تولەۋگە مىندەتتەلگەن. ال جاڭا سالىق كودەكسى بۇدان بىلاي اتالعان 1200 تەڭگەنى - 600 تەڭگەگە قىسقارتۋ وزگەرىسىن ەنگىزىپ وتىر.

 «سالىقتان جالتارۋ بويىنشا... بۇل جەردە بيۋدجەت تە، مينيسترلىك تە ءبىر نارسەسىن جوعالتتى دەۋگە كەلمەيدى. بۇل جەردە ءسىز بەن ءبىزدىڭ جوعالتارىمىز بار. ياعني، بۇل - سالىق رەتىندە ءبارىنىڭ ورتاق اقشاسى. سالىقتىڭ ارقاسىندا قوعام ءومىر سۇرەدى» - دەيدى و ك ق- دا وتكەن باسپا ءسوز ءماسليحاتى بارىسىندا ق ر ۇلتتىق ەكونوميكا ۆيتسە- ءمينيسترى رۋسلان دالەنوۆ.

ۆيتسە- مينيستر زاڭداعى وزگەرىستىڭ جاعىمدى ناتيجەلەرى بولاتىنىنا سەنىم ءبىلدىردى.

«البەتتە، ارادا قۇجات وتكىزۋ، ەسەپ بەرۋ سەكىلدى شارۋالار بار. بۇل جۇمىستى مەملەكەتتىك كىرىستەر كوميتەتىمەن بىرگە جۇرگىزەمىز. ياعني، از اقشا تولەۋدى عانا ەمەس، پروتسەسس بارىسىنىڭ ءوزىن ارزانداتۋ كوزدەلگەن. وندا پاتەرىن زاڭدى وتكىزىپ وتىرعان ازاماتتاردىڭ سانى ازايار دەگەن سەنىمدەمىز. ءبارى دە سالىق تولەۋگە دايىن. «تەك قانا قاراپايىم ءتارتىپ بولسا... كوپ اقشا تولەمەيتىندەي جانە تەكسەرۋلەر مەن سانكسيالارعا تاپ بولماسام بولدى دەپ وتىر. بارى وسى»، - دەيدى رۋسلان دالەنوۆ.

اۆتور: ايان بەكەن ۇلى