ق ر پرەزيدەنتى: حالىقارالىق قوعامداستىق اسكەري تەحنولوگيالارعا باقىلاۋدى كۇشەيتۋى ءتيىس
بۇل تۋرالى بۇگىن ب ۇ ۇ قاۋىپسىزدىك كەڭەسىنىڭ «جاپپاي قىرىپ-جوياتىن قارۋدى تاراتپاۋ: شارالار مەن سەنىم» تاقىرىبىنداعى وتىرىسىندا ءسوز سويلەگەن قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«بۇگىندە عىلىمي جەتىستىكتەردى پايدالانىپ، جانتالاسا قارۋلانۋدىڭ جاڭا تولقىنىنىڭ تۋىنداۋ قاۋپى بار. وسىعان وراي، حالىقارالىق قوعامداستىق جاڭا اسكەري جانە اقپاراتتىق تەحنولوگيالاردىڭ جاسالۋى مەن تارالۋىنا باقىلاۋدى كۇشەيتۋگە ءتيىس»، - دەدى ق ر پرەزيدەنتى.
مەملەكەت باسشىسى سەنىم شارالارى عارىش كەڭىستىگىن ميليتاريزاتسيالاۋدىڭ الدىن الۋعا قاتىستى ورتاق ۇستانىم قالىپتاستىرۋ بارىسىندا دا كەرەك بولاتىندىعىن ەسكەرتتى.
«الەمدىك يادرولىق دەرجاۆالار اراسىنداعى ءوزارا تۇسىنىستىك پەن ءوزارا سەنىم جاعدايىندا عانا كوپتەگەن قاقتىعىستىڭ الدىن الىپ، ءتيىمدى رەتتەۋگە بولاتىنى بۇگىنگى كۇننىڭ شىندىعىنا اينالدى. يادرولىق اپاتتى بولدىرماۋ ءۇشىن ولارعا ادامزات الدىنداعى زور جاۋاپكەرشىلىك جۇكتەلگەن. اسىرەسە، ءىرى يادرولىق دەرجاۆالار يادروسىز الەم قۇرۋ ءۇشىن كۇرەستىڭ الدىڭعى شەبىندە بولىپ، جاپپاي قىرىپ- جويۋ قارۋلارىن قىسقارتۋدىڭ ۇلگىسىن كورسەتۋى قاجەت. ءبىراق بۇل باسقا ەلدەر سىرت قالۋعا ءتيىس، ولار ەشتەڭەگە ىقپال ەتە المايدى دەگەندى بىلدىرمەيدى»، - دەدى قازاقستان پرەزيدەنتى.
اۆتور: مارلان جيەمباي
