تاياۋ شىعىستا يادرولىق قارۋدان ازات ايماق قۇرۋ ماڭىزدى - نۇرسۇلتان نازاربايەۆ
بۇل تۋرالى بۇگىن ب ۇ ۇ قاۋىپسىزدىك كەڭەسىنىڭ «جاپپاي قىرىپ-جوياتىن قارۋدى تاراتپاۋ: شارالار مەن سەنىم» تاقىرىبىنداعى وتىرىسىندا ءسوز سويلەگەن قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«سەنىم شارالارى بۇگىندە درامالىق وقيعالاردى باستان وتكەرىپ جاتقان تاياۋ شىعىس ءۇشىن دە وزەكتى بولىپ وتىر. سيرياداعى شيەلەنىس ايماقتان الىس جاتقان وڭىرلەرگە دە زيانىن تيگىزۋدە. ءوزارا سەنىمنىڭ جەنيەۆا كەلىسسوزدەرىن تولىقتىرىپ، سيرياداعى جاعدايدى بەيبىت جولمەن رەتتەۋگە قولدان كەلگەنشە ۇلەس قوسىپ كەلە جاتقان استانا الاڭىنداعى ديالوگقا نەگىز بولعانىن وسى جەردە ەرەكشە اتاپ وتكەن ءجون»، - دەدى ەلباسى.
قازاقستان پرەزيدەنتى جاپپاي قىرىپ-جويۋ قارۋلارىنىڭ تارالۋىمەن كۇرەس جۇرگىزۋدەگى ءتيىمدى قۇرالدىڭ ءبىرى ‒ يادرولىق قارۋدان ازات ايماقتار قۇرۋ ەكەندىگىن باسا ايتتى.
«سونداي-اق، بۇل ۇجىمدىق سەنىم ءبىلدىرۋدىڭ ۇلگىسى بولىپ تابىلادى. تاياۋ شىعىستا يادرولىق قارۋدان ازات ايماق قۇرۋعا كۇش-جىگەر جۇمساۋدى جالعاستىرۋ ماڭىزدى دەپ سانايمىن. مۇددەلى تاراپتاردى جۇمىستى جاڭعىرتۋعا شاقىرامىن جانە كەيبىر ەلدەر اراسىنداعى تۇسىنىسپەۋشىلىكتەر جاقىن ارادا شەشىمىن تابادى دەپ ۇمىتتەنەمىن»، - دەدى ەلباسى.
اۆتور: مارلان جيەمباي
