08:08, 19 - قاڭتار 2018 | GMT +5
ديماش قۇدايبەرگەن كەزەكتى جەڭىسىن ۇستازى مارات ايتىموۆكە ارنادى
اقتوبە. قازاقپارات - ديماش قۇدايبەرگەن Weibo awards جوباسى بويىنشا «مۋزىكاداعى جاڭا كۇش» نوميناتسياسىن جەڭىپ الدى.
بۇل تۋرالى ءانشى ءوزىنىڭ الەۋمەتتىك جەلىدەگى پاراقشاسىندا جاريالادى، دەپ حابارلايدى قازاقپارات ءتىلشىسى.
تاياۋدا عانا تۋعان جەرىندە ءبىر اپتا دەمالعان ديماش قۇدايبەرگەن وسى جىلدىڭ العاشقى جەڭىسىنە قول جەتكىزدى. ول Weibo awards جوباسى بويىنشا «مۋزىكاداعى جاڭا كۇش» نوميناتسياسىن جەڭىپ الدى.
«وسى سىيلىقتى الۋىما سىزدەر سەبەپ بولدىڭىزدار. قاجىرلى ەڭبەكتەرىڭىزبەن ماعان داۋىس بەردىڭىزدەر. ءۇمىت اقتالدى. ءوزىمنىڭ، بارشا تىڭدارمانداردىڭ اتىنان سىيلىقتى ۇستازىم مارات ايتىموۆكە ارنايمىن»، - دەدى ءانشى ديماش قۇدايبەرگەن.
ال ۇستازى مارات ايتىموۆ: «ەموتسيادان جۇرەگىم اۋزىما تىعىلدى، ءسوزىم جوق»، - دەپ ءوز ريزاشىلىعىن ءبىلدىردى.
اۆتور: التىناي ساعىندىقوۆا
