ق ر پرەمەر-ءمينيسترى ساراپتاما كەڭەسىنىڭ وتىرىسىن وتكىزدى
وتىرىس بارىسىندا مەملەكەت باسشىسىنىڭ ىسكەرلىك احۋالدى جاقسارتۋعا، اكىمشىلىك كەدەرگىلەردى ازايتۋعا جانە بيزنەس-پروتسەستەرگە ازاماتتاردىڭ قاتىسۋىن كەڭەيتۋگە باعىتتالعان ساياساتىن ىسكە اسىرۋ ماسەلەلەرى تالقىلاندى. اتاپ ايتقاندا، باسەكەلى ورتاعا مەملەكەتكە ءتيىستى ەمەس فۋنكتسيالاردى بەرۋ تەتىكتەرى قارالدى.
«قازاق مۇناي جانە گاز ينستيتۋتى» ا ق باس ديرەكتورىنىڭ كەڭەسشىسى ج. كۇلەكەيەۆ جانە ق ر ۇلتتىق ەكونوميكا ءمينيسترى ت. سۇلەيمەنوۆ ەلدەگى ءوزىن-ءوزى رەتتەۋ ينستيتۋتىنىڭ قازىرگى جاعدايى مەن ونى دامىتۋ پەرسپەكتيۆالارى تۋرالى باياندامالارىمەن تانىستىردى. تالقىلاۋعا ق ر پرەمەر-ءمينيسترىنىڭ ورىنباسارى ە. دوسايەۆ، «سەنترانس» ا ق ديرەكتورلار كەڭەسىنىڭ ءتوراعاسى ە. ءابدىرازاقوۆ، «راكۋرس» ەكونوميكالىق تالداۋ ورتالىعى» قوعامدىق قورىنىڭ ديرەكتورى و. جاندوسوۆ، «Oil Gas Project» ج ش س ديرەكتورى ج. احمەتوۆ، «قازاقستاننىڭ حالىق بانكى» ا ق باسقارما ءتوراعاسى ءۇ. شاياحمەتوۆا، «قوعامدىق ماسەلەلەردى تالداۋ ورتالىعى» قوعامدىق قورىنىڭ ديرەكتورى م. ماحمۇتوۆا، تاۋەلسىز ساراپشى د. ءسادۋاقاسوۆ قاتىستى.
ايتا كەتەرلىگى، 2015-جىلدىڭ 12- قاراشاسىندا قازاقستان رەسپۋبليكاسىنىڭ «ءوزىن-ءوزى رەتتەۋ تۋرالى» زاڭى قابىلداندى، ول ءو ر ۇ قىزمەتتەرىن رەتتەۋ شەگىن انىقتادى.
2000 -2016-جىلدارى باسەكەلى ورتاعا مەملەكەتتىك ورگانداردىڭ 28 فۋنكتسياسى وتكىزىلدى.
