ەلباسى وزبەكستان ازاماتتارىنىڭ قايعىلى قازاعا ۇشىراۋىنا بايلانىستى كوڭىل ايتتى
دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
نۇرسۇلتان نازاربايەۆ اقتوبە وبلىسىندا جولاۋشىلار اۆتوبۋسىنىڭ ورتەنۋى سالدارىنان وزبەكستان ازاماتتارىنىڭ قايعىلى قازاعا ۇشىراۋىنا بايلانىستى كوڭىل ايتتى.
«ورنى تولماس قايعىعا ورتاقتاستىعىمدى ءبىلدىرىپ، قازاقستان حالقى جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا قولداۋىم مەن نيەتتەستىگىمدى جەتكىزۋىڭىزدى سۇرايمىن. زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك بىلدىرەمىن»، - دەلىنگەن جەدەلحاتتا.
سونىمەن بىرگە، مەملەكەت باسشىسىنىڭ تاپسىرماسىنا سايكەس، وقيعانىڭ ءمان- جايى مەن سەبەپتەرىن انىقتاۋ ءۇشىن ۇكىمەتتىك كوميسسيا قۇرىلدى.
بۇعان دەيىن اقتوبە وبلىسى، ىرعىز اۋدانى، قالىباي اۋىلى ماڭىندا اۆتوبۋس ورتەنىپ، 52 ادام قازا تاپقانى تۋرالى حابارلاعان بولاتىنبىز. وزبەكستان ت ج م مارقۇمداردىڭ 52- ءسى وزبەكستاندىق ەكەنىن راستادى.
