اقوردا قاقپاسىن كولىكپەن سوققان پوليتسەيلەر جۇمىستان قۋىلدى
«قاڭتاردىڭ 16 نان 17 نە قاراعان تۇنىندە بولعان جول-كولىك وقيعاسىنا بايلانىستى قىزمەتتىك تەكسەرۋ جۇرگىزىلدى. ناتيجەسىندە استانا ءى ءى د ءا پ ب ارنايى باتالونىنىڭ ينسپەكتورى، پوليتسيا لەيتەنانتى ە. يمانبەكوۆ دوستىق كوشەسىمەن كەلە جاتىپ كوكتايعاقتا رۋلگە يە بولا الماي قاقپانىڭ تىرەۋلەرىنە سوعىلعان. جارالانعاندار مەن زارداپ شەككەندەر جوق»، - دەپ حابارلادى ءى ءى د.
ۆەدومستۆو مالىمدەگەندەي، وقيعاعا كىنالى ە. يمانبەكوۆ پەن ونىڭ باستىعى ۆزۆود كومانديرى، پوليتسيا كاپيتانى گ. جۇماحمەتوۆ ق ر ىشكى ىستەر ورگاندارى قىزمەتىنەن بوساتىلدى.
سونىمەن قاتار، ۇيىمداستىرۋ جانە تاربيە جۇمىستارىن ناشار جۇرگىزگەنى ءۇشىن اتالمىش ءبولىمنىڭ باسشىلىعى قاتاڭ تارتىپتىك جاۋاپكەرشىلىككە تارتىلعان.
ءى ءى د اقپاراتىنا سايكەس، 17- قاڭتار كۇنى ساعات 03:20 شاماسىندا استانا ءى ءى د ءا پ ب ارنايى باتالونىنىڭ ينسپەكتورى، پوليتسيا لەيتەنانتى ە. يمانبەكوۆ ماس كۇيىندە مەملەكەتتىك ءنومىرى 420 ULA 01 Porsche Cayenne كولىگىن باسقارىپ كەلە جاتىپ اقوردا رەزيدەنتسياسى قاقپاسىنىڭ تىرەۋىنە سوعىلعان. كولىكتە ۆزۆود كومانديرى، پوليتسيا كاپيتانى گ. جۇماحمەتوۆ (ماشينا يەسى) بولعان. ول وقيعا ورنىنان بوي تاسالاعان.
جول-كولىك وقيعاسىنىڭ سۋرەتتەرى «ۆرەميا» گازەتىنىڭ سايتىندا جاريالاندى.
