11:43, 18 - قاڭتار 2018 | GMT +5
ازەربايجان شەتەلدەگى عالىمدارىن تۇگەندەپ جاتىر
استانا. قازاقپارات - ازەربايجاننىڭ ۇلتتىق عىلىم اكادەمياسى (ءا ۇ ع ا) عىلىمي قىزمەتتەرىن شەتەلدە جۇرگىزىپ جاتقان ءوز عالىمدارىنىڭ ەلەكتروندىق دەرەكتەر قورىن جاسايدى، دەپ حابارلايدى Trend.
بۇل تۋرالى ءا ۇ ع ا ۆيتسە-پرەزيدەنتى يسا گابيببەيلي ايتىپ بەردى.
ونىڭ ايتۋىنشا، دەرەكتەر قورىنا شەتەلدە جۇمىس جاساپ جاتقان عالىمنىڭ ومىربايانىمەن ونىڭ عىلىمي ەڭبەكتەرى تۋرالى اقپارات ەنگىزىلەدى.
«دەرەكتەر قورى ارقىلى ءبىز الەمنىڭ تۇكپىر-تۇكپىرىندە جۇمىس ىستەپ جۇرگەن ازەربايجاندىق عالىمدارىمىزبەن بايلانىسىپ تۇرامىز. وسى ارقىلى ءبىز ورتاق جوبالاردى جۇزەگە اسىرۋعا مۇمكىندىك الامىز. سونداي-اق، ولار ازەربايجان عىلىمي مەكەمەلەرىنىڭ شەتەلدەگى گرانتتىق باعدارلامالارعا قاتىسۋىنا جاردەمىن تيگىزەدى»، - دەدى يسا گابيببەيلي.
