ا ق ش قازاقستانمەن ەكونوميكالىق بايلانىسىن تەرەڭدەتىپ، ينۆەستيتسيانى ۇلعايتۋى كەرەك - دەنيەل رۋندە
بۇل تۋرالى قازاقستان پرەزيدەنتى نۇرسۇلتان نازاربايەۆتىڭ ۆاشينگتونعا رەسمي ساپارىنا وراي پىكىر بىلدىرگەن ستراتەگيالىق جانە حالىقارالىق زەرتتەۋلەر ورتالىعىنىڭ جوبالار جونىندەگى ديرەكتورى دەنيەل رۋندە ايتتى، دەپ حابارلايدى قازاقپارات.
«ا ق ش قازاقستانمەن ساۋدا-ەكونوميكالىق بايلانىسىن تەرەڭدەتىپ، ينۆەستيتسيا كولەمىن ۇلعايتۋى كەرەك دەپ ەسەپتەيمىن. مۇنىڭ قازاق بيلىگىنىڭ دە ماڭىز بەرىپ وتىرعان باسىمدىعى ەكەنى بەلگىلى. ايتا كەتەرلىگى، قازاقستاندا ءبىلىمدى قوعام قالىپتاسقان. ءتىپتى، الەمدەگى ەڭ ءبىلىمدى، دەنساۋلىعى مىقتى، باي ەلدەردىڭ قاتارىندا دەپ ايتار ەدىم»، - دەدى ول قازاقستاندىق ب ا ق وكىلدەرىنە بەرگەن سۇحباتىندا.
امەريكالىق ساراپشىنىڭ پايىمىنشا، قازاقستانمەن ساياسي جانە قاۋىپسىزدىك ماسەلەلەرى بويىنشا دا ەكىجاقتى جانە كوپجاقتى بايلانىستى تەرەڭدەتە ءتۇسۋدىڭ ماڭىزى ايرىقشا.
«ەلدەرىڭىز قىتاي جانە رەسەيمەن تىعىز قارىم-قاتىناس ورناتقان. وسى تۇرعىدا ا ق ش ەلدەرىڭىزبەن ارىپتەستىك ورناتۋعا مۇددەلىك تانىتادى. ءبىز قازاقستاننىڭ ە ق ى ۇ ەلدەرىمەن بايلانىسىن جوعارى باعالايمىز. بىرنەشە جىل بۇرىن سىزدەر دۇنيەجۇزىلىك ساۋدا ۇيىمى قاتارىنا كىردىڭىزدەر. بۇل ەكونوميكالارىڭىزعا وتە ءتيىمدى بولعانى انىق»، - دەدى دەنيەل رۋندە.
سونىمەن قاتار ول قازاقستان مەن ا ق ش اراسىنداعى بايلانىستى نىعايتۋ ءۇشىن قانداي شارالاردى جۇزەگە اسىرۋ قاجەتتىگىن دە اتاپ ءوتتى.
«حالىق پەن حالىقتىڭ، بيزنەس وكىلدەرىنىڭ ءوزارا قارىم-قاتىناسى جولعا قويىلعانى ءجون. سونداي-اق، امەريكالىق الپاۋىت كومپانيالار عانا ەمەس، كىشىگىرىم كاسىپورىندار دا ەلدەرىڭىزدە جۇمىس ىستەۋگە مۇمكىندىك بولۋى ءتيىس. پرەزيدەنت نازاربايەۆتىڭ ساپارى وسى ارىپتەستىكتەردى نىعايتۋعا جاسالعان قادام دەپ ويلايمىن»، - دەدى امەريكالىق ساراپشى.
اۆتور: مارلان جيەمباي
