ۆاشينگتوندا عارىش سالاسىنداعى ىنتىماقتاستىق تۋرالى كەلىسىمگە قول قويىلدى
ولاردىڭ اراسىندا عارىش سالاسىنداعى ىنتىماقتاستىق تۋرالى قۇجاتتار دا بار، دەپ حابارلايدى قازاقپارات.
قول قويۋ راسىمىنە قورعانىس جانە اەروعارىش سالاسىنىڭ وكىلدەرى قاتىستى، دەپ حابارلادى ۆەدومستۆونىڭ باسپا ءسوز قىزمەتى.
بەلگىلى بولعانىنداي، ا ق ش- تىڭ ساۋدا پالاتاسى قول قويعان 26 قۇجاتتىڭ ىشىندە ۇشەۋى عارىش سالاسىنداعى ىنتىماقتاستىقققا قاتىستى بولدى.
ق ر قورعانىس جانە اەروعارىش ونەركاسىبى مينيسترلىگى ا ق ش- تىڭ گەولوگيالىق قىزمەتى مەن وسى ەلدىڭ ىشكى رەسۋرستار دەپارتامەنتىنىڭ اراسىنداعى قۇجاتقا قازعارىش اگەنتتىگى ءتوراعاسىنىڭ ورىنباسارى مالىك ولجابەكوۆ پەن USGS ديرەكتورىنىڭ ورىنباسارى دوكتور ەپپلگەيت قول قويعاندىعىن حابارلادى.
قۇجات عارىشتىق تەحنولوگيالار مەن جەردى قاشىقتىقتان زوندتاۋ جانە ارالىق مالىمەتتەردىڭ ينفراقۇرىلىمدارىن دامىتۋ باعىتىنداعى ەكىجاقتى ءتيىمدى ىنتىماقتاستىقتى جەتىلدىرۋگە باعىتتالعان.
ا ق ش- تىڭ گەولوگيالىق قىزمەتى قازاقستانمەن ىنتىماقتاستىق ورناتقان. استانادا «USGS» ۇيىمىنىڭ قاتىسۋىمەن جەردى قاشىقتىقتان زوندتاۋدىڭ LandSat - 7,8 سپۋتنيگىنەن مالىمەتتەردى قابىلداۋ شاراسى ۇيىمداستىرىلعان. سونىمەن قاتار «USGS» ىلە- بالقاش ءوڭىرىنىڭ سۋ رەسۋرستارىنىڭ جاعدايى مەن حالىقارالىق عارىش سالاسىنداعى حارتيا مەن ءىرى اپاتتارعا بايلانىستى مونيتورينگىلەۋ جوباسىنا قاتىسۋدا.
«عارىش ساپارى» ۇ ك» ا ق مەن امەريكالىق «Hexagon Geospatial» كومپانياسىنىڭ اراسىنداعى مەموراندۋمعا ۇلتتىق كومپانيانىڭ جەتەكشىسى ەرعازى نۇرعالييەۆ پەن «گەكساگونا» كومپانياسىنىڭ تەحنيكالىق ديرەكتورى برەەدلي سكەلتون قول قويدى.
سونىمەن قاتار وزدەرىنىڭ ىنتىماقتاسۋ جونىندەگى نيەتتەرىن «عالام» ج ش س- نىڭ ديرەكتورى ايبەرگەن رۋسلانۋلى مەن «iDirect» كومپانياسىنىڭ پرەزيدەنتى كيەۆين ستين ءتيىستى قۇجاتقا قول قويۋ ارقىلى ءبىلدىردى. امەريكالىق «VT iDirect» كومپانياسى سپۋتنيكتىك بايلانىستىڭ جەردەگى ينفراقۇرىلىمىن جاساۋ باعىتىنداعى الەمدىك ليدەر سانالادى.
ىنتىماقتاستىق تۋرالى مەموراندۋم تالاپتارىنا سايكەس، تاراپتار ءتۇرلى باعىتتاعى سپۋتنيكتىك بايلانىس جۇيەلەرىن جاساۋ مەن ءوزارا ءتيىمدى جانە وزگە دە ونىمدەر مەن قىزمەتتەر سالاسىنداعى جۇمىستاردى جۇزەگە اسىرۋ بارىسىندا ءوزارا ارەكەتتەسىپ قىزمەت ەتەتىن بولادى.
ۆاشينگتونعا ساپارى بارىسىندا قازعارىش دەلەگاتسياسى «ESRI» كومپانياسىنىڭ وكىلدەرىمەن كەزدەسۋ وتكىزدى. كەلىسسوزدەر بارىسىندا قازاقستان رەسپۋبليكاسىن عارىشتىق مونيتورينگىلەۋ اياسىندا «ESRI» كومپانياسىنىڭ سولتۇستىك پلاتفورماسىن پايدالانۋ مۇمكىندىكتەرى، سونىمەن قاتار جەردى عارىشتىق زوندتاۋ جۇيەسىنىڭ عارىشتىق تۇسىرىلىمدەرىمەن بايلانىستى ماسەلەلەر ءسوز بولدى.
قازاقستان مەن ا ق ش- تىڭ ەكونوميكالىق ىنتىماقتاستىعىنىڭ شەشۋشى ساتتەرىنىڭ ءبىرى رەتىندە اقوردا عارىشتى زەرتتەۋدەگى كوشباسشىلىقتى ءسوز ەتتى.
ا ق ش وكىلدەرى قازاقستاننىڭ حالىقارالىق عارىش ستانتسياسىندا جۇمىس ىستەيتىن امەريكالىق عارىشكەرلەردىڭ ءقاۋىپسىز جاعدايدا جەرگە ورالا الاتىن ورنى ەكەندىگىن شىن جۇرەكتەن اتاپ ءوتتى.
