ەكى كورەيا ورتاق حوككەي كومانداسىن قۇردى

استانا. قازاقپارات - سولتۇستىك جانە وڭتۇستىك كورەيالار پحەنچحانداعى قىسقى وليمپيادا ءۇشىن ورتاق ءبىر حوككەي كومانداسىن قۇرۋ تۋرالى كەلىستى. جارىستىڭ اشىلۋ سالتاناتىندا ەكى ەلدىڭ سپورتشىلارى ءبىر تۋدىڭ استىندا ءجۇرىپ وتپەك.

 Associated Press اقپارات اگەنتتىگى ورتاق تۋدا كورەي تۇبەگى بەينەلەنەتىنىن حابارلادى.

كەلىسىمدى حالىقارالىق وليمپيادا كوميتەتى ماقۇلداۋى قاجەت. شەشىم الداعى دەمالىستا شىعۋى مۇمكىن.

بۇدان بۇرىن سولتۇستىك كورەيا وليمپياداعا 140 ادامنان تۇراتىن وركەستر جىبەرەتىنىن مالىمدەگەن.  وركەستر سەۋل مەن گاننۋن قالالارىندا ونەر كورسەتپەك. بۇل جايىندا ەكى ەل شەكاراداعى پحانمۋندجوم ەلدى مەكەنىندەگى كەلىسسوزدە مامىلە جاساعان.

قاڭتاردىڭ 9-ىندا سەۋل مەن پحەنيان وكىلدەرى پحانمۋندجوم ەلدى مەكەنىندە كەلىسسوز وتكىزگەن. جيىندا سولتۇستىك كورەيا اقپاندا وتەتىن وليمپياداعا سپورتشىلارىن، جانكۇيەرلەرى مەن جوعارى لاۋازىمدى شەنەۋنىكتەرىن جىبەرەتىنىن مالىمدەگەن.

www.azattyq.org