جاپوندار ادام ويىن وقي باستادى
Google, Facebook سىندى عالامتور جانە جارناما، تارگەتينگ براۋزەرلەرى كەيدە سىزدەن «بۇل قالاي جۇمىس جاسايدى؟ » دەپ سۇراق قويا وتىرىپ جاۋابىن ىزدەۋگە شاقىرادى. ءبىز اقىرىن- اقىرىن جەلىگە ەنىپ، سۇراقتارعا جاۋاپ ىزدەيمىز. بۇل كومپيۋتەردىڭ ارنايى جاسالعان باعدارلامالىق جۇيەسى. جاپونيانىڭ كيوتو ۋنيۆەرسيتەتىنەن جەتكەن مالىمەت بويىنشا زەرتتەۋشىلەر ۇلكەن جوبانى قولعا العان. كيوتو ۋنيۆەرسيتەتىنىڭ عالىمدارى نەيرونداردىڭ جەلىسىنە تەرەڭ ۇڭىلە وتىرىپ، ادامنىڭ ويىن وقۋعا بولاتىنىن ايتادى. اقىلعا قونىمسىز با؟ دەگەنمەن بۇل ادام ويىن وقۋعا جاسالعان العاشقى زەرتتەۋ ەمەس. وسىعان دەيىن جاسالعان زەرتتەۋلەر ءوزىنىڭ ناتيجەسىن قاناعاتتانارلىقتاي بەرە العان جوق. جاڭا تەحنولوگيانىڭ ارقاسىندا «سۋرەتتىڭ تەرەڭ قۇرىلىم» دەپ اتاۋعا يە بولعان جول ارقىلى زەرتتەۋشىلەر ويدىڭ سۋرەتىن بىرنەشە ءتۇس بەرۋ ارقىلى، تەكستۋرالارمەن انىقتاي الادى. «ءبىزدىڭ ميىمىز ءارتۇرلى دەڭگەيدەگى نەمەسە كۇردەلى كومپونەنتتەردىڭ ەرەكشەلىكتەرىن يەرارحيالىق الۋ ارقىلى ۆيزۋالدى اقپارات رەتىندە وڭدەيدى» ، دەيدى زەرتتەۋشى يۋكياسۋ كاميتاني.
زەرتتەۋ جۇمىستارىنا 10 اي كولەمىندە ۋاقىت كەتتى. تاجىريبە كەزىندە ءۇش ادام ءۇش ءتۇرلى دەڭگەيدەگى سۋرەتتەردى وقۋمەن اينالىستى: تابيعي قۇبىلىس ( جانۋار نەمەسە ادام) ، جاساندى گەومەتريالىق فيگۋرا جانە ءالىپبي ارىپتەرى. ادام ميىنىڭ قابىلەتتىلىگى سۋرەتكە قاراعان كەزدە جانە سۋرەتكە قاراپ بولعاننان كەيىنگى ۋاقىتتا وزگەرىپ وتىرعان. ميدىڭ جۇمىس جاساۋىن بەلسەندىلىگىن ارتتىرۋ ءۇشىن ادام سۋرەتكە قاراپ بولعان سوڭ، ول تۋرالى ويلاي وتىرىپ، ميىندا قايتالاپ سالىپ شىققان. ادام ميىن زەرتتەۋ بويىنشا تەك جاپوندار عانا ەمەس، يلون ماسكتىڭ Neuralink نەيروكومپيۋتەرلەردى قۇراستىرۋ ينتەرفەيسىن جانە Kernel ءدىڭ ويلاپ تاپقان ادام ويىن جازىپ الۋعا ارنالعان چيپتەرىن ايتۋعا بولادى. جىل وتكەن سايىن ادام ويىن وقۋ ماسەلەسى كۇردەلەنىپ تە دامىپ تا كەلەدى. بۇل ءتۇبى عىلىمداعى ۇلكەن جاڭالىق بولارى انىق. ءسىزدىڭ ويىڭىزدى بىرەۋدىڭ وقىعانىن قالايسىز با؟
Massaget.kz
