بىرىككەن ۇلتتار ۇيىمى جۇيەسىندە قانشا قازاقستاندىق قىزمەت ەتەدى
دەپ حابارلايدى قازاقپارات.
«مەملەكەت باسشىسىنىڭ تاپسىرماسى بويىنشا سىرتقى ىستەر مينيسترلىگى حالىقارالىق ۇيىمداردا قازاقستان ازاماتتارىنىڭ كوبىرەك قامتىلۋى ءۇشىن جۇيەلىك جۇمىستاردى جۇرگىزۋدە. ونىڭ ىشىندە ب ۇ ۇ- نىڭ ورنى ەرەكشە. ءبىزدىڭ مالىمەتتەرگە سۇيەنسەك، بۇگىندە قازاقستاننىڭ 34-كە جۋىق ازاماتى ب ۇ ۇ جۇيەسىندە قىزمەت ەتۋدە، سونىڭ اراسىندا 17- ءسى الماتىدا ورنالاسقان ب ۇ ۇ- نىڭ 15 اگەنتتىگىندە جۇمىس ىستەيدى»، - دەدى ول پارلامەنت ءماجىلىسىنىڭ جالپى وتىرىسىندا.
اعىمداعى ايدا قازاقستان ب ۇ ۇ قاۋىپسىزدىك كەڭەسىنە تۇراقتى ەمەس مۇشە رەتىندە ءتوراعالىق ەتۋدە.
«وزدەرىڭىز بىلەتىندەي، قازىرگى ۋاقىتتا ەلباسى ا ق ش- تا ساپارمەن ءجۇر جانە 2018 -جىلعى 18 - قاڭتاردا وتەتىن «جاپپاي قىرىپ جويۋ قارۋىن تاراتپاۋ: سەنىم شارالارى» اتتى جوعارى دەڭگەيدەگى تاقىرىپتىق بريفينگكە ءتوراعا رەتىندە قاتىسۋى جوسپارلانۋدا. نەگىزگى بايانداماشى رەتىندە بۇۇ باس حاتشىسى انتونيو گۋتتەريش ءسوز سويلەيدى»، - دەپ ناقتىلادى م. تىلەۋبەردى.
ايتا كەتەيىك، بۇل وتىرىسقا ب ۇ ۇ قاۋىپسىزدىك كەڭەسىنە مۇشە مەملەكەتتەرىنىڭ جوعارى دەڭگەيدەگى وكىلدەرى قاتىسادى.
«ءتوراعالىقتىڭ ەكىنشى وزەكتى شاراسى رەتىندە ق ر سىرتقى ىستەر ءمينيسترى قايرات ءابدىراحمانوۆتىڭ توراعالىعىمەن «اۋعانستاندا جانە ورتالىق ازيادا قاۋىپسىزدىككە جانە دامۋعا تاۋەلدىلىكتىڭ ۇلگىسى رەتىندە ايماقتىق سەرىكتەستىكتى قۇرۋ» اتتى قاۋىپسىزدىك كەڭەسىنىڭ مينيسترلىك دەڭگەيىندەگى پىكىرتالاستارى وتەدى. ءىس- شارادا ورتالىق ازيا ەلدەرى مەن اۋعانستان سىرتقى ىستەر مينيسترلەرىنىڭ، سونداي- اق ب ۇ ۇ- عا مۇشە مەملەكەتتەردىڭ سىرتقى ساياسي ۆەدومستۆولارى باسشىلارىنىڭ قاتىسۋى كۇتىلۋدە»، - دەپ ناقتىلادى ول.
اۆتور: رۋسلان عابباسوۆ
