ەلباسىنىڭ ا ق ش- قا ساپارى ستراتەگيالىق سەرىكتەستىكتىڭ جاڭا كەزەڭى
بۇل تۋرالى ق ر تۇڭعىش پرەزيدەنتى - ەلباسى قورىنىڭ الەمدىك ەكونوميكا جانە ساياسات ينستيتۋتى ايتتى، دەپ حابارلايدى قازاقپارات.
اتالعان ورتالىق جاريالاعان پىكىرگە قاراعاندا، «قازاقستان مەن امەريكا پرەزيدەنتتەرىنىڭ جەكە كەزدەسۋى ەكى ەل اراسىنداعى ءوزارا قارىم-قاتىناس تاريحىنىڭ جاڭا پاراعىن اشىپ، ءبىرقاتار ناقتى ناتيجەلەر اكەلدى.
«بىرىنشىدەن، كەڭەيتىلگەن ستراتەگيالىق سەرىكتەستىكتى ورناتۋ جونىندە ورتاق ساياسي شەشىمدەر قابىلداندى. بۇل بيىل 26 جىل تولاتىن ەكى ەل اراسىنداعى جەمىستى سەرىكتەستىك ودان ءارى تەرەڭدەي تۇسەتىنىن بىلدىرەدى.
استانا ءۇشىن ۆاشينگتون سىرتقى ساياساتتاعى نەگىزگى سەرىكتەس ءارى ەكونوميكاداعى ماڭىزدى ينۆەستور بولىپ تابىلادى. ءوز كەزەگىندە دونالد ترامپ اتاپ وتكەندەي، امەريكا قۋاتتى، دەربەس جانە تاۋەلسىز قازاقستاندى اقش- تىڭ ورتا ازياداعى سەنىمدى دوسى ءارى ستراتەگيالىق سەرىكتەسى رەتىندە قاراستىرادى، - دەلىنگەن حابارلامادا.
- بۇل جەردە ەكونوميكالىق ماسەلەنى دە اتاپ ءوتۋ قاجەت. كەلىسسوز قورىتىندىسى بويىنشا وتكەن بريفينگ بارىسىندا مەملەكەت باسشىسى جالپى سوماسى $7,5 ميلليارد اساتىن 20 كەلىسىمشارتقا قول قويۋ كوزدەلگەنىن اتاپ ءوتتى. استانا ا ق ش- پەن جوعارى تەحنولوگيالار مەن يننوۆاتسيالىق وندىرىستەر ترانسفەرتى بويىنشا بايلانىستى دامىتۋعا مۇقتاج ەكەنى جاسىرىن ەمەس. بۇل تۇرعىدان العاندا، جاڭا كەلىسىمدەر قازاقستانعا ەكونوميكاداعى «سيفرلاندىرۋ» ماسەلەسىن جۇزەگە اسىرۋعا مۇمكىندىك بەرەدى دەپ سەنىممەن ايتۋعا بولادى.
ەكىنشىدەن، د. ترامپ پەن ن. نازاربايەۆ ا ق ش پەن قازاقستاننىڭ حالىقارالىق جانە ايماقتىق قاۋىپسىزدىكتى كۇشەيتۋ بويىنشا ورتاقتاسا ارەكەت ەتەتىندىكتەرىن راستادى.
بۇل قازاقستان مەن ا ق ش كۇشتەرىن اۋعانستان بويىنشا بىرىكتىرۋدى بىلدىرەدى. سونىمەن بىرگە، قازاقستان تەرروريزمگە قارسى كۇرەستەگى ا ق ش تالپىنىستارىن قولدايتىنىن مالىمدەدى. ەكى ەل باسشىلارى سولتۇستىك كورەياداعى يادرولىق ماسەلە بويىنشا ورتاقتاسا جۇمىس ىستەيتىندەرىن دە اتاپ ءوتتى.
ۇشىنشىدەن، قازاقستان مەن ا ق ش «س5+1» ايماقتىق ديالوگ الاڭى اياسىنداعى سەرىكتەستىك دامىتۋ تۋرالى كەلىسىمگە كەلدى. بۇل تۇرعىدا اتالمىش الاڭ جۇمىسىنان جاڭا باستامالار كۇتۋگە بولادى»، - دەيدى.
جاڭا اكىمشىلىك ءوز جۇمىسىن باستاپ، د. ترامپتىڭ «الدىمەن امەريكا» ۇرانى تاستالعان سوڭ، ورتالىق ازيادا ۆاشينگتوننىڭ ايماققا دەگەن قىزىعۋشىلىعىنىڭ تومەندەۋى تۋرالى كوپ ايتىلدى. الايدا، ن. نازاربايەۆتىڭ ساپارى مەن ونىڭ د. ترامپپەن كەزدەسۋى ۆاشينگتون ءۇشىن ايماقتىڭ جوعارى دەڭگەيدە تۇرعانىن انىق كورسەتتى.
اۆتور: ايجان سەرىكجان قىزى
