سەۋلدە توتەنشە جاعداي جاريالاندى

استانا. قازاقپارات - وڭتۇستىك كورەيانىڭ استاناسىندا سارسەنبى كۇنى اۋانىڭ جوعارعى دەڭگەيدە لاستانۋىنا بايلانىستى توتەنشە جاعداي جاريالاندى. بۇل تۋرالى ت ا س س حابارلايدى.

اتموسفەرانىڭ لاستانۋىن ازايتۋ ءۇشىن جۇپ ساندى تىركەۋ نومىرلەرى بار جەكە كولىك يەلەرىنە جولعا شىقپاۋىنا كەڭەس بەرىلدى. 17- قاڭتاردا قالالىق قوعامدىق كولىكتەر قاربالاس ساتتە تەگىن جۇمىس ىستەمەك. قالا بيلىگى اۋانى لاستايتىن 80 مەملەكەتتىك كاسىپورىندى ءوندىرىس كولەمىن ازايتۋعا مىندەتتەدى.

جەدەل شارالاردى جۇزەگە اسىرۋ ءۇشىن قالالىق بيۋدجەتتەن تاۋلىگىنە $4,5 ميلليون قارجى جۇمسالادى. الايدا، مونيتورينگ دەرەگىنە سايكەس، بۇل ارەكەتتەر ەكولوگيالىق جاعدايعا كومەكتەسپەي وتىر. وسىعان بايلانىستى وپپوزيتسيا مەملەكەتتىك قارجىنىڭ ءتيىمسىز جۇمسالعانىن سىنعا الۋدا.