ا ق ش تاراپى جۇكتەرىن اقتاۋ جانە قۇرىق پورتتارى ارقىلى تاسىمالداۋى مۇمكىن
بۇل تۋرالى بۇگىن ق ر پارلامەنتى ءماجىلىسىنىڭ جالپى وتىرىسىندا ايتىلدى، دەپ حابارلايدى قازاقپارات.
ايتاپ ايتقاندا، بۇگىن ءماجىلىس «قازاقستان رەسپۋبليكاسىنىڭ ۇكىمەتى مەن ا ق ش ۇكىمەتى اراسىنداعى اۋعانستاننىڭ تۇراقتىلىعى جانە قايتا قالپىنا كەلتىرۋ جونىندەگى ءىس-قيمىلعا ا ق ش- تىڭ قاتىسۋىنا بايلانىستى قازاقستاننىڭ اۋماعى ارقىلى ارنايى جۇكتىڭ كوممەرتسيالىق تەمىرجول ترانزيتىن قامتاماسىز ەتۋ تۋرالى كەلىسىمگە وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى بويىنشا جۇمىستى باستادى. قۇجات بويىنشا قورىتىندى ازىرلەۋ مىندەتى پالاتانىڭ حالىقارالىق ىستەر، قورعانىس جانە قاۋىپسىزدىك كوميتەتىنە جۇكتەلدى.
«وسى حاتتاما نورمالارى امەريكا قۇراما شتاتتارىنىڭ اۋعانستانعا باراتىن جانە اۋعانستاننان شىعاتىن ارنايى جۇكتەرىنىڭ ترانزيت باعىتىنا اقتاۋ جانە قۇرىق پورتتارىن ەنگىزۋدى كوزدەيدى. حاتتاما وسى ارنايى جۇكتەردى كاسپيي تەڭىزى ارقىلى وتكىزۋگە مۇمكىندىك بەرەدى. كوميتەت وسى زاڭ جوباسىن جۇمىسقا الۋعا جانە ول بويىنشا قورىتىندى ازىرلەۋگە دايىن»، - دەدى حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ.
اۆتور: رۋسلان عابباسوۆ
