گولوۆكيننىڭ پروموۋتەرى: ريەۆانش بويىنشا كەلىسسوزدەر زايا كەتۋى مۇمكىن
«وتكەن اپتادا بەرگەن سۇحباتىمدا ريەۆانشتىڭ %90 انىق ەكەنىن ايتقان ەدىم. %100 عا ءالى قول جەتكىزىلگەن جوق، وسى قالعان %10 بۇكىل كەلىسسوزدەردى جوققا شىعارۋى دا مۇمكىن. ءدال قازىر گەننادي قازاقستاندا، شارتتىڭ بارلىعىن كەلىسۋ ءۇشىن ونىڭ كەلۋىن كۇتىپ ءجۇرمىز. ەگەر گولوۆكين بارلىعىنا كەلىسىمىن بەرسە، قالعان ءىس كوپكە سوزىلمايدى دەپ ويلايمىن. مەنىڭ ايتپاعىم، ءبىز كەلىسسوز جۇرگىزدىك، ريەۆانشتى ءبىرىنشى جەكپە-جەكتەن ءبىر اپتادان كەيىن-اق وتكىزۋىمىز مۇمكىن ەدى. ءبىراق تالقىلاۋلار ءتورت ايعا سوزىلىپ كەتتى. قازىر جاعداي بىلاي بولىپ وتىر، ەگەر تاراپتاردىڭ ءبىرى شارتقا كونبەسە، مۇندا ءبىر گاپ بار»، - دەيدى لەففلەر Boxingscene.com-عا بەرگەن سۇحباتىندا.
پروموۋتەر قاڭتاردىڭ سوڭىنا دەيىن بۇكىل كەلىسسوزدى اياقتاپ، رەسمي مالىمدەمە جاساۋعا ءۇمىت ەتىپ وتىرعانىن ايتتى.
«مەن ەشقاشان سوڭعى مەرزىم ايتقان ەمەسپىن. ءبىراق ەگەر قاڭتاردىڭ سوڭىنا دەيىن انونس بەرە الماساق، مۇندا كەيبىر پروبلەمالار بار دەگەن ءسوز»، - دەدى ول.
