قولىنا قالقان مەن قىلىش ۇستاعان سەرىلەر ءوزارا مىقتىنى انىقتادى

استانا. قازاقپارات - برازيليانىڭ سان- پاۋلۋ قالاسىندا رىتسارلار سايىسى ءوتتى. جارىس ورتا عاسىرداعى اسكەري ونەردىڭ بارلىق تالاپتارىنا ساي جۇرگىزىلدى.

 ۇستىنە ساۋىت- سايمان كيىپ، قولىنا قالقان مەن قىلىش ۇستاعان سەرىلەر كامپيناس قالاسىنىڭ الاڭىنا جينالدى. دوداعا ىرىكتەۋدەن وتكەن جەڭىمپازدار قاتىستى. ويتكەنى بۇل شارادا كەلەسى جىلى يتاليادا وتەتىن «ۇلتتار ۇرىسى» جارىسىنا برازيليا اتىنان قاتىساتىن وكىل انىقتالادى.

رودريگو ەستيەۆەس، سايىسقا قاتىسۋشى:

- رىتسار بولىپ قىلىشتاسۋ قيىن. ويتكەنى مۇنداي قاسيەت اكەدەن بالاعا بەرىلمەيدى. ءبىراق مەن ناعىز ورتاعاسىرلىق جاۋىنگەر سياقتى شايقاسۋعا دايىنمىن.

 فرانكو سوارەس، سايىسقا قاتىسۋشى:

- مەنىڭ رىتسارلار شايقاسىنا دەگەن قۇشتارلىعىم لەگو ويىنشىقتارىمەن قامالداردى قۇراستىرۋدان باستالدى. ەندى باسىمدا دۋلىعا، قولىمدا قىلىش، سايىسقا ءتۇسىپ جاتىرمىن.

www.24.kz