قىستاققا قاسقىر كىرىپ كەتتى

 ورال. قازاقپارات - باتىس قازاقستان وبلىسىندا قىستاققا قاسقىر كىرىپ كەتتى، دەپ حابارلايدى «قازاقپارات» ءتىلشىسى.

اقجايىق اۋدانى جامبىل اۋىلدىق وكرۋگىنىڭ اكىمى قايىرجان ەلەشيەۆتىڭ ايتۋىنشا، وقيعا كەشە ءتۇس مەزگىلىندە « قىزىل اعاش» قىستاعىندا ورىن العان. ءتۇز كوكجالى وسىندا ورىن تەپكەن «ورەس» شارۋا قوجالىعىنىڭ قوراسىنا كىرىپ كەتكەن.

ابىروي بولعاندا، قوجالىق قىزمەتكەرلەرى «كۇتپەگەن قوناقتى» دەر كەزىندە بايقاپ قالعان. وسىنى سەزگەن ءبورى دالاعا زىتىپ وتىرعان. مالشىلار ونىڭ ارتىنان «بۋران» قارشاناسىمەن قۋىپ، قىستاقتان ءۇش شاقىرىم جەردەن ۇزاتپاي، اتىپ العان.

 ايتا كەتەيىك، وڭىردە مۇنداي توسىن جاعداي بيىل ازىرگە ءبىرىنشى رەت بولىپ وتىر.