مەملەكەت باسشىسىنىڭ ا ق ش- قا ساپارى ديالوگتى كەڭەيتۋگە باعىتتالىپ وتىر - ساراپشى
دەپ حابارلايدى «قازاقپارات» ح ا ا ءتىلشىسى.
«قازىرگى ۋاقىتتا ا ق ش ءبىزدىڭ ستراتەگيالىق سەرىكتەسىمىز بولىپ تابىلادى. ەكىجاقتى جانە كوپجاقتى ءوزارا قارىم- قاتىناستىڭ بارلىق باعىتتارى بويىنشا قاۋىرت جۇمىس جۇرگىزىلىپ جاتىر. بۇعان قوسا، حالىقارالىق ارەنادا قازاقستان مەن مەملەكەت باسشىسى نۇرسۇلتان نازاربايەۆتىڭ ابىرويى ارتىپ كەلە جاتقاندىقتان، بۇل قارىم- قاتىناستى دامىتۋدىڭ قاجەتتىلىگى تۋىنداپ وتىر. رەسمي ساپاردىڭ ماقساتى - ديالوگتى كەڭەيتۋ جانە تەرەڭدەتۋ ارقىلى ستراتەگيالىق سەرىكتەستىكتى جاڭا دەڭگەيگە كوتەرۋ»، - دەيدى ول.
ديپلوماتتىڭ پايىمداۋىنشا، ساپار قورىتىندىسى ساۋدا- ەكونوميكالىق سەرىكتەستىكتىڭ دامۋىنا تىڭ سەرپىن بەرەرى انىق.
«بۇگىنگى تاڭدا ا ق ش قازاقستاننىڭ ءىرى ساۋدا سەرىكتەستەرىنىڭ ءبىرى ءارى قازاقستاندىق ەكونوميكانىڭ ءىرى ينۆەستورى. بۇعان قوسا امەريكالىق بيزنەس قازاقستانمەن بۇل بايلانىستى نىعايتا تۇسۋگە مۇددەلىك تانىتۋدا. وسىعان بايلانىستى ساپار بارىسىندا يننوۆاتسيالىق- تەحنولوگيالىق سەرىكتەستىكتى دامىتۋ بويىنشا ءبىرقاتار بىرلەسكەن جوبالارعا قول قويۋ جوسپارلانعان»، - دەيدى قۇباشيەۆ.
ديپلومات بۇعان قوسا ستراتەگيالىق سەرىكتەستىكتىڭ نەگىزى بولاتىن ءبىرسىپىرا باعىتتاردى اتادى.
«بۇگىنگى تاڭدا ەكىجاقتى ىنتىماقتاستىق قازاقستان پرەزيدەنتى نۇرسۇلتان نازاربايەۆ پەن ا ق ش باسشىسى دونالد ترامپتىڭ 2017 - جىلدىڭ 1 - قىركۇيەگىندەگى تەلەفون ارقىلى سويلەسۋ كەزىندەگى كەلىسسوزدەرى اياسىندا ءوربىپ كەلەدى. سول تىلدەسۋدەن كەيىن ستراتەگيالىق سەرىكتەستىكتىڭ باسىم باعىتتارى رەتىندە قاۋىپسىزدىك، يادرولىق قارۋسىزداندىرۋ، ساۋدا- ەكونوميكالىق جانە ينۆەستيتسيالىق سەرىكتەستىك بەلگىلەنگەن بولاتىن»، - دەيدى ساراپشى.
قۇباشيەۆ سونىمەن قاتار، ەكىجاقتى ىنتىماقتاستىقتى نىعايتۋعا سەپ بولاتىن باعىتتار تۋرالى ايتىپ بەردى.
«جاڭعىرتۋعا قاتىستى قازاقستاننىڭ الدىنداعى مىندەتتەرى ەسكەرە وتىرىپ ايتارىم... قازاقستاندىق- امەريكالىق سەرىكتەستىكتىڭ جەلكەنىن ا ق ش- پەن ەكونوميكالىق بايلانىستى نىعايتۋ، ستارتاپتاردى دامىتۋ ءۇشىن قاجەتتى شارتتاردى ازىرلەۋ، شوب- تى دامىتۋ جاعىنا بۇرۋدا قىزىعۋشىلىق تانىتىپ وتىرمىز»، - دەپ ءتۇيدى ءسوزىن ساراپشى.
اۆتور: ايان بەكەن ۇلى
